Akŏ Dhông ‘nŏh pơlei bơngai Êđê đei pơjing đunh kơ au dang 60 sơnăm. ‘Nau jei đei lăng jing pơlei bơngai Êđê pơdrŏng ‘lơ̆ng liĕm hloh Đak Lăk hăm lơ hnam pơtăm, lơ dơnơm ‘long păng pơkao.

Kon pơlei tơ̆ au oei vei răk tôn chĭng chêng, tĭng nĭng chĭng klơk au to, rim tơdrong joăt joe sơ̆ ki. Jang kiơ̆ tơdrong tơchơ̆t đơ̆ng Jơnŭm vei lăng kon pơlei dêh char Đak Lăk, khei năr au ki, kon jên jang dêh char tơlĕch ăn 1 ti hlak jên tơgŭm pơlei Akŏ Dhông pơjing keh đang hơnih vei lăng gre dơ̆ng, hnam chă pơyơ̆ng, kơƀang tơbăt hơnih ... Pơjing khul vei lăng tơmang pơhiơ̆ pơlei pơla kơ pơlei păng pơ̆ih lăm pơtho tơbăt găh jang tơmang pơhiơ̆ pơlei pơla ăn kon pơlei. Truh dang ei, pơlei Akŏ Dhông hlôi sơđơ̆ng mŭk drăm păng kon bơngai bơ̆ jang vă tơgŭm ăn tơmoi lơ̆m teh đak păng teh đak đe tơmang pơhiơ̆.