Anih vei lăng kon pơlei plt Gia Nghĩa, dêh char Đắk Nông pơgơ̆r thi hao thŏng nan tơ̆ dơnâu ƀât Tŏk bŏk plt, hăm tơdrong vang thi đơ̆ng 8 khul thi drŏ nglo, drŏ kăn. ‘Nâu jĭ tơdrong thi vă hơiă kơ ‘măng Tơbăt 49 sơnăm Năr tơblăh rơngei Gia Nghĩa păng Tơbăt 20 sơnăm pơjing dơ̆ng dêh char Đắk Nông (2004-2024).

Đơ̆ng rŏng kơ tôch jơva hơgơ̆r pơih blŭng ăn tơdrong thi, dôm khul hlôi kơrŭn jơhngâm hao thŏng nan lĕch tŏk bŏk dơnâu, druh kiơ̆ băl tơrih tơrih tôch hơiă. Mă đơ̆ng ‘năr tŏ hlơ hlĕng ră mă lei lơ kon pơlei tơ̆ tơring păng tơmoi chă tơmang lăng vang truh năng tôch čhôk ‘nă. Hơdai hăm ‘nŏh, tơ̆ kơpal plenh plt Gia Nghĩa đei 4 tŏ yu păr, dui ba hla kơ teh đak bơ̆n.