Tơbang tơ̆ hop akŏm ăn ƀôh, lơ̆m jăl 1, lơ̆m jơ̆p teh đak, dôm tơdrong chih akŏm, pơdah, tơbang dôm tak phâm joh ayŏ kơdŏ suang đei pơgơ̆r hăt hot hăm dôm tơdrong kăl lăng hơlen đơ̆ng kon pơlei. Gah sơnong jang jăl 2/2024, ƀok Nguyễn Minh Nhựt, Kơdră Anih tơm Joh ayŏ Kơdŏ suang, Anih jang Tuyên giáo Trung ương ăn tơbăt, Jơnŭm jang hadoi kơ dôm anih jang, đei tơrĕk akŏm hơlen hơdah tôm tơdrong tơchơ̆t tơlĕch đơ̆ng Đảng, tơchơ̆t đơ̆ng teh đak gah joh ayŏ, văn hŏk ngê̆ thuơ̆t ăn lơ bơngai jang gah joh ayŏ kơdŏ suang.

Pơtoi kơchăng chih akŏm trong jang, pơgơ̆r dôm anih jang tơ̆ tơring vang jang tơnăp vă sơng kơ kuh kơ dôm tơdrong jang chĭnh trĭ, ‘năr lêh tih kơ teh đak nhen đei iŏk rơngei Tơring pơbah, rơngei teh đak năr 30/4, Năr apŭng plenh teh Pơm jang 1/5; 70 sơnăm đei Jơnei Điện Biên Phủ.