Hăm hơnăn “Vang vơch ƀai hơri Hồ Chí Minh”, tơdrong pơgơ̆r joh ayŏ kơdŏ soang gĭt kăl vă tơƀlŏk ăn rim jơhnơr hrei au ưh kơ gơ̆h hiơt hiong tơdrong tơgop tih tên đơ̆ng Kơdră chĕp pơgơ̆r Teh đak Hồ Chí Minh. 

Tơdrong pơgơ̆r joh hơri đei pơjing 3 tơdrong ‘noh “Tơdrong hơri trŏ lăp”, “Glơng ăn kơ Ƀok rơbau pơkao iŏk đei jơnei” păng “Pơlei tơm HCM-Gơ̆h hơgei, chăl hle-băt ‘mêm kơ eng dih bă”. Hăm rim ƀai hơri “Dấu chân phía trước”, “Người Cộng sản đầu tiên”, “Tiếng hát giữa rừng Pác Bó”, “Chiến thắng Điện Biên”, “Tình Bác sáng đời ta”, “Bác đang cùng chúng cháu hành quân”, “Tiến về Sài Gòn”, “Như có Bác trong ngày vui đại thắng”, “Tiếng hát từ Thành phố mang tên Người”, rim tơdrong joh hơri gĭt kăl hlôi tơƀôh tơbăt dơ̆ng jăl trong iung jang đơ̆ng Ƀok Hô oei tơ̆ teh đak đe, dĭng truh brŏk vih tơ̆ teh đak iung tơblăh, đŏk nơ̆r Tơchơ̆t Teh đak pơm tơm kơdih, pơjing đei teh đak Việt Nam Dân chủ Cộng hòa.