Tơdrong thi tôn chĭng ăn đe hơiŏh plt Buôn Ma Thuột
Thứ hai, 10:54, 23/10/2023
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Anih vei lăng kon pơlei plt Buôn Ma Thuột, dêh char Đắk Lắk ‘nao pơgơ̆r thi tôn chĭng ăn dôm khul tôn chĭng kơ đe hơiŏh.
Đei hlŏh 250 ‘nu bơngai thi ‘nŏh jĭ đe tơdăm păh iung, đei hơiŏh păng đe ngê̆ nhơ̆n oei mơlôh tơ̆ dôm pơlei pơla lơ̆m plt Buôn Ma Thuột truh akŏm. Tơdrong thi sơng đei 14 khul, 60 ƀai tôn chĭng, tĕh chĭng klơk, hơri, hơxoang. Dôm khul vang thi vang tôn, hơri, hơxoang dôm ƀai tôch hơiă, tơƀôh hơdăh tơdrong jŏh ayŏ kơ dŏ xoang ‘lơ̆ng rŏ đơ̆ng dôm hơdrĕch Rađe păng Mường.
Dôm ƀai tôn chĭng, đei hloi chĭng kram, chĭng klơk đei đe ŏh tôn tôch hơiă, pơm tơiung jơhngâm hưch hanh đơ̆ng tơdrong thi. Pơtôch tơdrong thi, anih pơgơ̆r hơpăh 18 yaih A, B, C păng pơčhơp jơhngâm ăn dôm ƀai tôn, hơri hơiă hlŏh. Hơpăh yaih như̆k đĭ đăng khul ăn Khul plei Kmrơng Prong A, xăh Ea Tu, plt Buôn Ma Thuột.
Viết bình luận