VOV4.Bahnar – Lơ\m joh ayo\ bơngai Ê Đê, et krao ‘nho\ng pơmai oh, jing minh tơdrong pơtho pơhrăm, kăp g^t tơguăt tơpôl hăm dih băl, pơjing tơdrong tơguăt tơguăl đơ\ng dôm unh hnam, kơtum kơto\ng dăh mă đơ\ng dôm hơdrung bơngai erih xa tơ\ tơring. {ai chih đơ\ng H Xíu, tơ\ Rađiô nơ\r pơma VN tơ\ Tây Nguyên đei [ai chih tơroi găh tơdrong kăp g^t et krao ‘nho\ng oh kơ bơngai Ê Đê đei pơgơ\r tơ\ pơlei Drai Sí, xăh Ea Tar, apu\ng Cư Mgar, dêh char Đăk Lăk.

Hloh 5 jơ pơgê, hnam kơjung kơ yă H’Djuăn Niê, tơ\ pơlei Drai Sí, xăh Ea Tar, apu\ng Cư Mgar, [enh kơ bơngai. {ok Y Thôn Niê păng đe ‘nho\ng oh lơ\m kơtum kơto\ng năm truh tôm vă atu\m hăm unh hnam tơ ‘ngla [uh nhu\ng kreo trăp dang 30 k^, 2 to\ ier tơmông tih păng pơhlom mơj^t tơm xik. ‘Nâu jing dôm tơmam plang kăp g^t ‘măn ăn tơdrong et xoi krao ‘nho\ng oh đơ\ng yă H’Djuăn păng [ok Y Thôn. {ok Y Thôn Niê tơroi:  Inh noh bơngai oei tơ\ pơlei Mlăng, oei hơkăn tơ\ pơlei Drai Sí. Adrol ki [ă inh păng unh hnam găh âu tơjuăt noh inh ‘meh pơm ‘nho\ng oh. Inh krao ‘nho\ng oh hăm unh hnam âu hloh 30 xơnăm bơih, dang ei inh pơgơ\r et xa vă tơbăt tơdrong juăt jue kơ po păng vă tôm pơlei pơla băt pơtoi vei răk khôi juăt kơ kon pơlei tơ\ tơring thoi yơ mă tơnăp hloh.

Ăh tơmam xoi tơbeh hlôi đei hơmet tôm, [ai chêng xơng tơmoi ang bang nhen le\ hơvơn rim bơngai dăh tenh năm truh hnam kơjung vă ako\m tơdrong et xa krao ‘nho\ng oh đei pơtơm. Đe ‘nho\ng oh dro\nglo păng tơmoi tơ oei rơvak găh anăp, oei tơm hnam păng đe pơmai oh drăkăn tơ oei ăh rơvak pai go\. Pơtơm tơdrong et xoi, [ok pơjâu tơ[ưh măt găh hơle\ch, xơkat tơroi hăm đe yang hơpang păng hơvơn yă [ok dơnơm vih et xa. Khôi xoi tơbeh đei pơtơm hăm 3 ‘măng xoi, blu\ng a noh xoi tơbeh kơ yă [ok dơnơm; pơtoi kơ noh xoi tơ[ăk kong đơ\ng tơbre krao ‘nho\ng oh păng mă hơtuch noh xoi pôk bơnê.

{ok pơjâu Y Chôich Niê ăn tơbăt, lơ\m 3 ‘măng xoi tơbeh noh ‘măng mă blu\ng păng ‘măng mă 3 đei plang ier păng minh tơm xik. ‘Măng mă 2 noh kăp g^t hloh hăm tơmam plang noh nhu\ng kreo păng 5 tơm xik. Khôi pơjao kong krao ‘nho\ng oh noh kăp g^t hloh lơ\m tơdrong pơm gru kơnăl tơdrong tơguăt đơ\ng 2 ‘nu pơm ‘nho\ng oh adoi nhen 2 unh hnam kơtum kơto\ng. Jo# đơ\ng dang ei truh đ^ hnưr erih, tơbre krao ‘nho\ng oh ling lang jing ‘nho\ng oh pôm hnam, lôch erih đei băl, tơno\ tơnap adoi đei băl:  Pơgơ\r et xoi âu vă đe yang hơpang, yă [ok dơnơm băt hơdăh, apinh ăn unh hnam 2 păh gơh grăng pran, jang xa đei yua lơ, đei jơnei. Tơdrong tơ[ăk kong ăh ko\ng ti nhen minh tơdrong xơkơ\t, bơ\ng pang ăn tơdrong tơguăt 2 păh, hăm tơmam plang noh nhu\ng kreo păng 5 tơm xik, rim tơdrong ning nai kơnh hlôi đei xơkơ\t păng bơ\ng pang găh tơdrong tơguăt ‘nho\ng oh kơ 2 unh hnam.

Đơ\ng ro\ng rim ‘măng xoi tơbeh, pơjâu pơdơh vă tơm hnam păng tơmoi truh ako\m et xik tơm, thơ thâu hăm 2 unh hnam, thơ thâu ăn tơdrong ‘mêm kơ eng, tơguăt kơjăp ăn tơbre krao ‘nho\ng oh. Yă H’Huyên Ayun, {^ thư chi [o# pơlei Drai Sí ăn tơbăt, đunh bơih lơ\m pơlei pơtơm đei tơdrong et krao ‘nho\ng oh thoi âu. Tơdrong pơgơ\r et krao ‘nho\ng oh gô tơgop tơgu\m kon pơlei, mă hăt noh đe mơlôh hiôk hian hloh chă hơlen băt păng vei răk khôi juăt, tơdrong et xa kơ hơdrung hơdre\ch po:  Hăm xơnong jang [^ thư chi [o#, kơdih po inh pơtoi hơvơn kon pơlei,’nho\ng pơmai oh pơtoi vei răk joh ayo\ kon kông vă ưh đei hiơt hiong dôm khôi et xa juăt jue, tơdrong krao ‘nho\ng oh duh nhen dôm khôi juăt nai.

 Oei kiơ\ kơ [ok Y Wem HWing, Pho\ Kơdră Anih vei lăng kon pơlei apu\ng Cư Mgar, krao ‘nho\ng oh jing minh khôi kăp g^t kơ bơngai Ê Đê, vă pơtho pơhrăm tơroh kon pơlei. Tơdrong krao ‘nho\ng oh tơgu\m ăn 2 ‘nu ưh juăt băl jing tơguăt lăng nhen ‘nho\ng oh pôm me\ [ă minh hnam, tơgu\m dih băl [ơt [ơm tơnap tap xar bar. Kơyuơ noh, tơdrong hơmet khôi et xa âu atu\m hăm lơ khôi et xa nai kơ 24 hơdrung kon pơlei tơ\ tơring ưh adro# tơgop vei răk tơ[ăk mong um ai joh ayo\ mă oei pơjing tơdrong tơguăt tơguăl, tơroh hơto\k mu\k drăm tơpôl:  Et krao ‘nho\ng oh nhen ‘năr âu đei minh tơdrong kăp g^t hloh hăm joh ayo\ juăt jue kơ bơngai Ê Đê, krao ‘nho\ng oh ưh tơklăh kơtum kơto\ng, hơdrung bơngai, xơnăm, dro\ ‘nglo dăh drăkăn. Lơ\m tơpôl kon pơlei kon kông adoi gơh krao ‘nho\ng oh păng tơguăt đon bơnôh ‘nho\ng oh vă pơjing tơdrong erih tơnăp, hơto\k mu\k drăm tơpôl păng vei xơđơ\ng tơpôl lơ\m tơring. Tơdrong tơm kăp g^t noh pơjing tơdrong tơguăt tơguăl tơpôl, tơroh tơpôl dih băl kơjăp kơtang.

Hăm bơngai Ê Đê, et krao ‘nho\ng oh jing tơdrong joh ayo\ kăp g^t, tơ[ôh đon tơguăt tơguăl atu\m găn hloh tơnap tap. Hrei âu, tơ\ lơ pơlei pơla duh oei răk vei et krao ‘nho\ng oh đơ\ng minh ‘nu bơngai hăm minh unh hnam, kơtum kơto\ng. Mă lei, găh khôi đei pơm bot, tơmam plang kiơ\ kơ tơdrong ke\ đei, phơ pho\ kăl minh pôm ier, minh tơm xik dăh mă ‘măng xo\ng xa hăm tơdrong bơ\ng pang tôm kơ 2 păh unh hnam. Tơdrong et krao ‘nho\ng oh duh oei kăp g^t ‘lơ\ng ro\, đei pơm kiơ\ tơdrong mơ\ng kơ vă, ưh đei io\k yua kiơ, hăm tơdrong ‘meh vă rim bơngai erih atu\m, tơguăt nhen ‘nho\ng oh pôm hnam, atu\m tơgu\m dih băl găn hloh tơnap tap, xar bar, vă pơjing pơlei pơla roi năr roi ph^ tơto\, pơdro\ng, ‘lơ\ng ro\.

Lan chih păng pơre nơ\r