Tơ̆ jơ lêh, rim bơngai tang măt hlôi atŭm băl tơroi găh tơdrong juăt jue 70 xơnăm Chŭp um Việt Nam păng Chŭp um Đăk Lăk. Tơ̆ Đăk Lăk, đơ̆ng rŏng hloh 30 xơnăm jô̆ đơ̆ng tơ-iung pơjing, jơnŭm Chŭp um (lơ̆m Jơnŭm Văn hŏk Ngê̆ thươ̆t) truh dang ei hlôi đei 33 'nu jang, lơ̆m noh đei 17 'nu noh lơ̆m jơnŭm chŭp um Trung ương; đei 4 'nu jang đei pôk hơnăn ngê̆ sih chŭp um rơgei hloh păng Kăp gĭt rơgei hloh. Rim ngê̆ sih chŭp um Đăk Lăk hơnơ̆ng tơguăt hăm xơkơ̆t đơ̆ng Đảng, đei tak phâm tơbang tôm tơdrong erih, joh ayŏ tơpôl, đon bơnôh dơnưp Hồ Chí Minh... Tơgop tơbang um rŭp Đăk Lăk, Tây Nguyên, teh đak kon bơngai Việt Nam truh hăm bôl boăl lơ̆m păng 'nguaih kơ teh đak. Ƀơ̆t 'măng âu, Jơnŭm Văn hŏk Ngê̆ thươ̆t Đăk Lăk hlôi tơlĕch 2 tơdrong pơlong chŭp um noh: Tơdrong pơlong pơdăh um rŭp ngê̆ thươ̆t  “Buôn Ma Thuột – Đăk Lăk jang hadoi păng hơtŏk tơ-iung” xơnăm 2023 păng tơdrong pơlong um hơnăn “Jơ 'năr Lêh akŏm Ka phê Buôn Ma Thuột 'măng mă 8 xơnăm 2023.