Tơlĕch lơ trong jang tơbôl kơ kon pơlei đơ̆ng plt HCM păng Phalăng
Thứ sáu, 14:21, 14/07/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Tơ̆ jơ tơƀâp tơbăt 234 sơnăm Quốc khánh tĕh đak Phalăng (14/7) tơ̆ plt HCM, Khul jang tơbôl Việt – Phalăng plt tơroi: tơdrong hơiă đơ̆ng tơdrong jang hơdoi Việt Nam – Phalăng ‘nŏh jĭ pơtho pơhrăm, ‘nâu kŭm jing tơdrong pơ ‘nhŏ jang hơdrol păng đei bơ̆ jang hơnơ̆ng khei ‘năr âu ki, mă loi tơ̆ plt HCM.
Dôm tơdrong jang hơdoi găh pơtho pơhrăm akŏm găh pơtho, hŏk nơ̆r Phalăng, pơtho khul bơngai jang tơ̆ jăl đăi hŏk, kơpal kơ đăi hŏk găh lơ tơdrong nhen: vei lăng mŭk drăm, jang găh jên hu, khôi luơ̆t, kơmăy kơ mŏk ‘nao, jang pơgang.
Hơtŏk tơdrong pơtho nơ̆r Phalăng tơ̆ Việt Nam pơma atŭm păng tơ̆ plt HCM pơma hơdrô̆, mă loi jĭ dôm lăm hŏk 2 nơ̆r, dôm lăm pơtho ming nơ̆r Phalăng pơjing tơdrong hiôk hian ăn tơdrong pơma nuh đơ̆ng hŏk tro, sinh viên, pơlung tưk tơiung tơdrong jang hơdoi găh rim tơdrong, vang hơmet kơjăp tơdrong pơvei đơ̆ng kon pơlei 2 tĕh đak.
Viết bình luận