Lơ pơlei pơla tŏk bŏk pơjing lơ tơmam drăm, pơjing anih vă hơvơn lơ tơmoi truh tơmang păng hŏk hơlen. Đăk Lăk hlôi pơkă hơtŏk 16 thôn, pơlei tơmang pơhiơ̆, vă hơtŏk tơdrong jang tơmang pơhiơ̆ thoi âu gơh đei jơnei tơ̆ tơring. Kiơ̆ kơ yă Nguyễn Thụy Phương Hiếu, Phŏ Kơdră Anih jang gah Joh ayŏ, Tơplŏng kơdâu păng Tơmang pơhiơ̆ Đăk Lăk, hơtŏk tơmang pơhiơ̆ pơlei pơla tơgop hơtŏk răh gah mŭk drăm – tơpôl ăn tơring, tơgŭm tơplih trong jang mŭk drăm, hơtŏk iŏk yua ăn kon pơlei vang jang gah tơmang pơhiơ̆.

Atŭm hăm noh, tơgop hơtŏk vei răk tơƀăk mong kơjă joh ayŏ juăt jue kăp gĭt kơ kon pơlei tơguăt hăm hơtŏk tơmang pơhiơ̆. Kơyuơ noh, athei pơm thoi yơ vă kon pơlei hlôh vao hơdah păng hăt hot vang jang tơmang pơhiơ̆ hăm tơdrong kơchăng noh pơtơm pơjing đei “jơhngơ̆m pran” ăn tơmang pơhiơ̆ pơlei pơla.