Dôm bơ ngai tang măt vang pơ ma đam

Nơ̆r tơ roi lơ̆m jơ pơ ma đam, đơ̆ng sơ năm 2018 truh dang ei, dêh char Dak Lak hlôi sek tơ lang 49 tơ drong pơm glăi ƀơm truh sem bri brăh, lơ̆m nŏh đei lơ tơ drong pơm glăi ƀơm truh tơ drong tĕch mơ dro pơ la rôih păng lơ tơ mam pơm đơ̆ng rôih. Lơ̆m kơ sô̆ âu, đei 2 ‘nu bơ ngai tơ̆ plt Buôn Ma Thuột đei sek phak jên hlŏh 390 triu 1 ‘nu, 1 ‘nu bơ ngai nai đei sek phak 18 khei oei lơ̆m hnam phak. Lăp hơ drô̆ 6 khei blŭng sơ năm ‘nâu, akŏm đĭ đăng kơ sô̆ jên sek phak yoa tĕch pơ la rôih tơ̆ Dak Lak hlŏh 2 ti.

Dôm anih jang kĭ pơ kăp vang roi tơ ƀôh um rup Dak Lak – Anih truh ‘lơ̆ng hơ iă hăm Rôih

Tơ̆ jơ pơ ma đam, dôm anih chă tơ mang lăng, pơ vih pơ văn ăn tơ drong chă tơ mang lăng hlôi pơ ma nuh găh tơ drong hơ tŏk đon đơ̆ng bơ ngai chă tơ mang lăng lơ̆m tơ drong vei lăng rôih, tang găn dôm tơ drong pơm glăi găh pơ la rôih. Tơ drong tơ roi tơ băt um rup Dak Lak – Anih truh ‘lơ̆ng hơ iă hăm Rôih, athei hơ tŏk đon hlôh vao ăn khul jang chă tơ mang lăng vă đe sư vang roi tơ băt ăn bơ ngai truh tơ mang lăng.