Lơ̆m 6 jơ 1 puăt kơ sơ̆ kiơ̆ jơ tơring, Lêh pơgơ̆r ‘Măng pơlôch pơ long drŏ kăn đă ƀŏng lŏng gơh hloh apŭng plĕnh teh (FIFA World Cup drŏ kăn 2023) pơgơ̆r tơ̆ cham đă ƀŏng lŏng Eden Park tơ̆ pơlei tơm Auckland, New Zealand. Tơdrong hơiă đơ̆ng lêh pơgơ̆r ‘noh jĭ tơdrong hơri 2 ‘nu đơ̆ng bơngai pơcheh ƀai hơri bơngai Australia păng nghệ sĩ bơngai New Zealand hăm ƀai hơri “Do It Again” - ƀai hơri kơ World Cup drŏ kăn 2023. Đơ̆ng rŏng lêh pơgơ̆r blŭng dang 30 pơnĭt, pơgơ̆r ‘măng đă pơ jei băl mă blŭng đơ̆ng khŭl đă ƀŏng lŏng drŏ kăn New Zealand hăm khŭl đă ƀŏng lŏng drŏ kăn Na-uy. 

Ưh khan lăp hơdrô̆ New Zealand, Australia kŭm vang pơ gơ̆r pơyan pơ long sơnăm ‘nâu. FIFA World Cup drŏ kăn 2023 gô đei 64 ‘măng pơlong pơjei, pơgơ̆r tơ̆ 9 pơlei tơm tơ̆ New Zealand păng Australia. Sơnăm ‘nâu kŭm jing ‘măng mă blŭng pơlong pơ jei đei kơ sô̆ khŭl vang pơlong lơ hloh ‘noh jĭ 32 khŭl hăm 8 khŭl đă ƀŏng lŏng drŏ kăn ‘măng mă blŭng đei vang pơ long ‘noh jĭ Haiti, Morocco, Panama, Philippines, Bồ Đào Nha, Cộng hòa Ireland, Zambia păng Việt Nam.