VOV4.Bahnar - Vă sơđơ̆ng bơ̆ jang tơgŭm ăn SEA Games 31 đei pơgơ̆r đơ̆ng năr 12/5, Grŭp jang Bưu chính viễn thông VNPT hlôi atŏk kơtang tơlĕch jang pơlăp kmăi kmŏk Viễn thông - CNTT tơ̆ rim hơnĭh pơgơ̆r pơlong. Trŭh khei năr au, dôm tơdrong jang tuch luch tŏk bŏk đei VNPT pơm keh đang păng pơgơ̆r jang pơlong năng tơgŭm ăn Pơlong đă ƀŏng lŏng tơplŏng kơdau. Jĭ mĭnh lơ̆m dôm tơdrong pơgơ̆r đă ƀŏng lŏng tơplŏng kơdau gĭt kăl kơ tơring, kiơ̆ đơ̆ng Khŭl chĕp pơgơ̆r, ‘măng pơgơ̆r au gô đei 1 ti ‘nu bơngai lăng tivi păng mạng tơpôl hăm 1.200 jơ rapor kơtă. Vă sơđơ̆ng ‘lơ̆ng ăn tơdrong jang viên thông tơgŭm ăn pơlong, VNPT hlôi dăng pơlăp lơ tơlei Internet jăng păng kmăi kmŏk rapor 3G, 4G tơ̆ rim hơniưh pơlong tơ̆ Hà Nội păng 10 dêh char, pơlei tơm anai. ‘Nau jing rim tơlei Internet đei pơjing gĭt kăl kĕ pơtrŭh kơtơ̆ng ang tĕnh koăng, kĕ jăng, hlôi đei hơlen đang, sơđơ̆ng ‘lơ̆ng ăn ‘măng pơlong SEA Games 31.

Tơblơ̆ nơ̆r: Amazưt