VOV4.Bahnar – Bơngai Mnông Rlăm tơ̆ xah Yang Tao, apŭng Lăk, dêh char Dak Lak dang ei oei vei răk tơƀăk mong tơdrong pơm lơ̆m kră sơ̆ kăp gĭt. Tơdrong kăp gĭt tơ̆ âu noh ngê̆ nhơ̆n ưh đei yua kơƀang dăr, mă hơdrô̆ man hăm ti, pơjing um ai tơmam drăm păng ƀuh pơsĭn. Hăm tơdrong pơm phara âu hlôi đei răk vei kơ hrĕng sơnăm, pơjing đei tơmam drăm lơ̆n kăp gĭt, đei lơ bơngai tơrĕk truh păng jing hloi tơmam drăm tơmang pơhiơ̆ ăn kơ tơring.

VOV4.Bahnar - Hăm tơdrong tơm chĕp vei, pôk pơ ư, roi tơƀôh dôm tơmam sa joăt joe kơ bơngai Xơ Đăng păng pơtrŭt tơmang lăng, kơsơ̆ brei (7/12), Anih vei lăng kon pơlei apŭng Tu Mơ Rông, dêh char Kon Tum ‘măng mă blŭng pơgơ̆r “Tơdrong pơlong tơmam sa pơgang hla ‘long - tơmam ‘lơ̆ng rŏ bri kông Ngọc Linh”.

VOV4.Bahnar - Pơgê brei 5/12, tơ̆ Cham xă Đại Đoàn Kết, plt Pleiku, Anih vei lăng kon pơlei dêh char Gia Lai pơgơ̆r tơdrong “’Lơ̆ng rŏ tơring Tây Nguyên-Gia Lai”.

VOV4.Bahnar – Giĕng joh ayŏ - tơmang pơhiơ̆ Điện Biên păng rim dêh char Tây Bắc tơ̆ pơlei tơm HCM hlôi pơtơm ah kơmăng ‘năr brei hăm lơ tơdrong akŏm joh ayŏ, tơroi kơ hnưr hơrih, tơmang pơhiơ̆, ƀrông ƀrang hăm lơ um ai ‘lơ̆ng rŏ.

VOV4.Bahnar - Xah Tú An jing minh lơ̆m dôm xah đei jơnei hơlâu tơchơ̆t tơring tơrang ‘nao tơ̆ thĭ xah An Khê, dêh char Gia Lai. Tơdrong hơrih ‘nao, mă lei tơdrong joh ayŏ kăp gĭt kơ kon pơlei Bahnar tơ̆ âu adoi đei vei răk tơƀăk mong. Đe ngê̆ nhơ̆n kơ kâu lak ƀô̆ tanh brai Tú An hlôi tơgop hơtŏk tơdrong tanh brai kơ kon pơlei Bahnar. Lơ̆m noh đei yă Đinh Thị Hà tơ̆ pơlei Pơnang.

VOV4.Bahnar – Lơ̆m pơkăp Năr akŏm Joh ayŏ, Tơplŏng kơdâu păng Tơmang pơhiơ̆ hơdrung kon kông Tây Nguyên ‘măng mă 1 sơnăm 2023, tơ̆ pơlei tơm Kon Tum, dêh char Kon Tum hlôi pơgơ̆r lơ tơdrong tơbang gah tơmam xa hơdrung kon kông tơring Tây Nguyên.

VOV4.Bahnar - Đơ̆ng rŏng 3 năr pơgơ̆r ‘lơ̆ng rŏ hơbŏ nhen tơdrong oei sa joh ayŏ rim hơdrung tơring Tây Nguyên, gơmăng hei (1/12), tơ̆ Cham să 16/3, pơlei tơm Kon Tum, dêh char Kon Tum, Hơnih tơm vei lăng Joh ayŏ kơdŏ soang, Đă ƀŏng lŏng tơplŏng kơdau păng Tơmang pơhiơ̆ hlôi pơgơ̆r Pơm lêh pơtôch-Hơlen pơtôch Năr lêh Joh ayŏ kơdŏ soang, Đă ƀŏng lŏng tơplŏng kơdau păng Tơmang pơhiơ̆ rim hơdrung tơring Tây Nguyên ‘măng mă I sơnăm 2023.

VOV4.Bahnar - Tơdrong et jur xa ƀa ‘nao kơ bơngai Bru- Vân Kiều tơ̆ xăh Ngân Thủy, apŭng Lệ Thủy, dêh char Quảng Bình ‘nao đei Anih tơm vei lăng jŏh ayŏ kơ dŏ xoang, tơplŏng kơdâu păng chă tơmang lăng, năng jĭ Tơmam jŏh ayŏ kăp gĭt kơ teh đak. Đơ̆ng rŏng kơ ‘nŏh, dêh char Quảng Bình hlôi tơlĕch lơ trong jang vă chĕp vei, tưk tơiung dôm kơjă kăp gĭt đơ̆ng sư tơ̆ tơring. Chĕp vei păng atŏk tơiung tơdrong Et jur xa ƀa ‘nao kơ bơngai Bru - Vân Kiều tơklep hăm atŏk tơiung chă tơmang lăng gô tơgop pơm hơtŏk tơdrong arih xa găh mŭk drăm, jŏh ayŏ kơ dŏ xoang ăn kon pơlei tơ̆ tơring bri kông Trường Sơn.

VOV4.Bahnar - Pơgê năr 29/11 tơ̆ Cham să 16/3, pơlei tơm Kon Tum, Hơnih tơm vei lăng Joh ayŏ kơdŏ soang, Đă ƀŏng lŏng tơplŏng kơdau păng Tơmang pơhiơ̆ pơgơ̆r blŭng a rim tơdrong pơgơ̆r joh ayŏ kơdŏ soang, đă ƀŏng lŏng tơplŏng kơdau păng tơmang pơhiơ̆ rim hơdrung tơring Tây Nguyên.

VOV4.Bahnar - Kơsơ̆ brei (29/11), năm dăr lăng bơ̆ jang hơmet ăn Pơm lêh pơgơ̆r blŭng a năr lêh Jŏh ayŏ kơdŏ soang, Đă ƀŏng lŏng tơplŏng kơdau păng Tơmang pơhiơ̆ rim hơdrung tơring Tây Nguyên ‘măng mă I sơnăm 2023 tơ̆ Cham să 16/3, pơlei tơm Kon Tum, dêh char Kon Tum, Đại tướng Tô Lâm, Kơdră jang lơ̆m Hơnih tơm Chinh trĭ Ƀô̆ trơng Hơnih tơm Kŏng ang hlôi vang năm lăng tơdrong pơgơ̆r tôn chĭng chêng Tây Nguyên păng pôk ăn Radiô ăn 100 ‘nu nghê̆ nhân dêh char Kon Tum.