VOV4.Bahnar  – Ƀơ̆t tơbăt 110 xơnăm ‘Năr Ƀok Hồ năm tơchă trong dŏng teh đak (05/6), kơmăng ‘năr brei (4/6) tơ̆ Hà Nội, Hla bar tơroi điê̆n tưh Đảng Cộng sản Việt Nam pơgơ̆r Tơdrong joh hri kăp gĭt hơnăn “Ƀok noh trong jang gĭt đei jơnei tih”.

Lơ̆m tơdrong joh hri đei dôm tơdrong tơroi kơ Ƀok – bơngai kơdră gơh rơgei, đĭ hnưr erih noh kơyuơ kơ tơdrong rơngei hiôk hian kơ hơdrung hơdrĕch, minh jơhngơ̆m đon kơyuơ teh đak. Um ai Ƀok oei jing dôm um ai tơjê̆, ‘mêm kơ eng, hlăng ‘lơ̆ng, đon bơnôh ang hơdăh hăm lơ hnưr erih kơ bơngai Việt Nam. Tơdrong joh hri đei akŏm hăm dôm tơdrong joh hri kăp gĭt axong jing ƀar apăng: Apăng mă 1: Ƀok năm tơchă um ai kơ teh đak; Apăng mă 2: Hồ Chí Minh – Ang hơdăh đon bơnôh kơ ‘nôh Việt Nam. Vang năm akŏm joh hri đei dôm bơngai hăm ƀơ̆r hri hiôk mă đe ư ang nhen: NSƯT Đăng Dương, NSƯT Thanh Lam, NSƯT Hoàng Tùng, bơngai đei ƀơ̆r hri hiôk Anh Thơ, Lê Anh Dũng păng lơ bơngai nai, pơdăh hri dôm ƀai hri yak hadoi hăm khei năr hơ ‘nguơ̆u kơ Đảng, kơ Ƀok Hồ ‘mêm kơ eng nhen: Ƀok noh trong jang gĭt đei jơnei tih; Gru jơ̆ng hơyak tơ̆ anăp; Kơyep Ƀok Hô, Kơmăng vơ̆r thŏng hri ƀlŏk kơ Ƀok, Ƀok Hô đon bơnôh dơnưp ‘lơ̆ng ‘nâu nai hia...

Lan chih păng pơre nơ̆r