VOV4.Bahnar – Kiơ̆ Thư̆ trưởng Y tê̆ Nguyễn Trường Sơn, khei năr đei lăng jing hli hlơt hloh kơ tơdrong tơjră pơrang jĭ Covid-19 hơbuh 'măng mă 4 đơ̆ng năr 23/8 truh năr 30/9. Jăl mă âu, anih jang y tê̆ hlôi tơlĕch hơlen pơrang jĭ kăp gĭt, păng tơlĕch jang tenh hloh kơ tơdrong tơpoh đơ̆ng virus SARS-CoV-2. Gơnơm thoi noh, kơsô̆ bơngai ƀơm jĭ 'nao adoi đei băt hrôih, vă tơlĕch trong vei lăng, hơmet trŏ ƀlep. Anih jang y tê̆ duh đei dôm tơdrong tơplih lơ̆m chă hơmet ăn bơngai ƀơm jĭ Covid-19; đei tơmơ̆t yua  pơgang chăl 'nao... Kơyuơ noh, kơsô̆ bơngai ƀơm jĭ 'nao, kơsô̆ bơngai lôch tơjur păng kơsô̆ bơngai đei hơmet klaih jĭ tŏk lơ kiơ̆ rim năr. Kiơ̆ tơdrong hơlen đơ̆ng Anih tơm Y tê̆ truh dang ei ăn ƀôh, kơsô̆ bơngai ƀơm jĭ lơ̆m tơpôl hlôi tơjur 44,7% pơtêng hăm 2 giĕng adrol ki. Tơrĕk hloh, hlôi đei 91% kơsô̆ bơngai ƀơm jĭ Covid-19 đei tơbang klaih jĭ. Hlôi đei 7 lơ̆m kơsô̆ 62 dêh char, plei tơm hloh 14 năr ưh đei bơngai ƀơm jĭ 'nao, 12 dêh char, plei tơm ưh đei bơngai ƀơm jĭ 'nao lơ̆m 14 năr kơ âu.

Lan chih păng pơre nơ̆r