VOV4.Bahnar -  Kơ iĕng Thủ tướng Tĕh đak Lê Minh Khái ‘nao kĭ Tơdrong tơchơ̆t 1639/QĐ-TTg năr 29/9/2021 găh tơlĕch ăn dơ̆ng kon jên răt păng sơng iŏk 20 trĭu kơliêu vaccine tang găn jĭ Covid-19 Vero Cell kơ Grŭp jang Sinopharm, Trung Quốc.  Tơchơ̆t pơma hơdăh: Tơlĕch dơ̆ng kon jên ăn Dơnŏ anih tơm vei lăng jang pơgang vă răt păng sơng iŏk 20 trĭu kơliêu vaccine tang găn jĭ Covid-19 Vero Cell đơ̆ng Grŭp jang Sinopharm, Trung Quốc nhen nơ̆r athei đơ̆ng Dơnŏ anĭh tơm jang Jên hu păng Dơnŏ anĭh tơm vei lăng jang pơgang. Dơnŏ anĭh tơm jang jên hu păng Dơnŏ anĭh tơm vei lăng jang pơgang chĭu pơjing trong jang păng kơsô̆ chĭh tơbăt. Tơdrong vei lăng, iŏk yua, tơlĕch kon jên chă răt hăm kơsô̆ jên au jang kiơ̆ ƀlep tơdrong tơchơ̆t, ƀlep tơdrong jang, pơkom, jơnei, tơbăt hơdăh, rơhăo. Dơnŏ anĭh tơm vei lăng jang Pơgang tơroi tơbăt ăn Thủ tướng tĕh đak găh iŏk yua kon jên kơpal ‘moi kiơ̆ tơdrong tơchơ̆t.

Tơblơ̆ nơ̆r: Amazưt