VOV4.Bahnar - Hăm trong chă pai phara kơ bơngai Êđê, ‘nhe\m nhu\ng pơhơ\l, prung đing kram kơ dêh char Đak Lăk ‘nao đei chih pơkăp lơ\m hơnăn Top 100 tơmam xa g^t kơ Việt Nam xơnăm 2020-2021. Tơmam xa ‘nao [âu phu, ‘lơ\ng rơmuơn rơmă mă lei ưh đei rơlơn, ăn [ôh tơmam xa Đak Lăk pơtoi vei răk tơdrong gơh rơgei kơ tơmam xa kon kông tơ\ tơring, păng đei pai pơjing mă tro\ [lep hăm tơdrong erih ‘nao dang ei.

Hơbe\ch răh ti lu\k lơ\k ‘nhe\m nhu\ng hăm dôm kơloăi tơmam [âu phu hlôi đei hơmet tôm, yă Trần Thị Kim Liên, Pho\ pai go\ tơ\ tơring tơmang pơhiơ\ Ko\ Tam (plei tơm Buôn Ma Thuột, dêh char Đak Lăk) ăn tơbăt, tơmam xa âu đei ‘nhe\m nhu\ng bri lai păng dôm kơloăi ‘nhot [âu phu nai. Lơ\m noh, tơmam kăp g^t noh hơmre\, găr tiu hơdrih, hla [âu păng hla e\ch yuăn. Dôm hơdre\ch ‘nhot âu adoi tơplih kiơ\ kơ pơyan, kơlih pơtăm kiơ\ pơyan kơdih. Kiơ\ kơ yă Liên, tơmam xa âu pơjing ưh kơ đei tơnap mă lei athei tôm tơmam drăm, mă kăl noh ‘nho\t ‘nhe\m athei mă rơgoh ‘lơ\ng, đing kram prung duh athei mă rơgoh mơ\n:“Xem noh athei ‘lơ\ng, đei rơmă đei xe\ch păng hơkar hloi noh tơmam xa mă gơh ‘lơ\ng. Păng đing kram noh duh athei ‘lơ\ng, ăh đei tơmoi noh pơgê ba năm koh đing kram vă kơ hăp ‘ngam, [âu phu păng ăh [uh noh hơyuh ‘nhe\m tơpăr [âu phu ‘lơ\ng. ‘Nhot mă ba lu\k lơ\k duh athei bơ\ kơdih tôm tơdrong”.

Đơ\ng ro\ng kơ lu\k lơ\k đang păng le# lơ\m 15 pơn^t vă kơ ‘nhe\m gơh nham, noh tăh ‘nhe\m lơ\m đing, ăh kơ\l đing noh cho# hlơp hăm hla prit păng [uh ăh ngar unh dăh mă prung lơ\m go\ ap sua#t lơ\m 1 jơ.

Mưh [uh prung hăm ngar unh, ăh prung noh g^t hloh. Vă kơ đing hoai khoi, bơngai [uh athei hơ ‘lơ\ đing hơnơ\ng truh lai yơ ‘nhe\m lơ\m đing x^n ‘lơ\ng. Ăh mă kơđoh kram tơ\ ‘nguaih đei pơn^k dreng khoi iơ iă, ‘nhe\m tơpăr [âu phu noh gơh xa bơih. ‘Nhe\m nhu\ng prung đing kram vă nhen kơ ‘nhe\m nhu\ng pơhơ\l, kơlih prung hăm đing kram noh ‘nhe\m [âu phu păng rơmuơn ‘lơ\ng, găh hơkar ưh đei rơkl^, đei rơmă mă lei ưh đei rơlơn. ‘Nhe\m x^n ‘lơ\ng ưh đei [âu hơyuh khoi ngar unh, ưh đei hrăng đak. Tơmam xa âu đei chu\ hăm [oh hơmre\ jing tơmam xa kăp g^t hăm tơmoi. Pơmai Nguyễn Thị Hoài Bão, tơ\ th^ tra#n Quảng Phú, apu\ng Chư\ Mgar, dêh char Đak Lăk, ăh xa tơmam xa âu tơroi: “Tơmam xa đei minh tơdrong kăp g^t kơ Tây Nguyên, hăp [âu phu nham ‘lơ\ng. Dôm hơdre\ch ‘nhot [âu phu kơ bơngai Êđê hram lơ\m ‘nhe\m noh ăh xa bơih ‘lơ\ng nham ưh kơ băt vă akhan thoi yơ, lơ\m noh đei hơyuh hơplăng, rơkuaih, đei găr tiu, đei hloi minh [ar hơdre\ch ‘nhot mă adro# kon pơlei Tây Nguyên đe\ch đei”.

Kiơ\ kơ yă Nguyễn Thị Ngọc Anh, kơdră Jơnu\m pơgơ\r anih jang Tơmang pơhiơ\ cham char, joh ayo\ tơpôl Ko\ Tam, tơmam xa ‘nhu\ng lai pơhơ\l, prung đing kram đei pai kiơ\ tơmam xa juăt jue kơ bơngai Êđê tơ\ Đak Lăk păng đei lu\k lơ\k hăm dôm hơdre\ch ‘nhot [âu phu hlôi đei lơ\m cham char, yuơ noh mă hăp đei kơdih tơdrong [âu phu adro# kơ tơring âu. Mă kăl, ‘nhe\m nhu\ng lai jing minh lơ\m dôm tơmam pơjing tơdrong ‘lơ\ng hăm tơmam xa, kơlih nhu\ng lai đei chông đơ\ng nhu\ng rong hăm nhu\ng bri. Atu\m hăm tơdrong pai tơmam xa noh jing minh tơdrong tơroi găh joh ayo\ păng vei hơlen cham char. Yuơ noh mă ‘nao âu, tơmam xa ‘nhu\ng pơhơ\l prung đing kram tơ\ tơring tơmang pơhiơ\ Ko\ Tam hlôi đei anih jang Pơkăp tơmam xa  Việt Nam chih pơkăp lơ\m Top 100 tơmam xa kăp g^t kơ Việt Nam ăh xơnăm 2020-2021: “Dêh char duh tơbang dôm tơmam xa ‘lơ\ng kơ Đak Lăk păng Anih jang pơkăp tơmam xa hlôi pơtruh bơngai năm hơlen, xơkơ\t lơ ‘măng đang kơ noh tơbang păng tơchơ\t găh ‘Nhe\m nhu\ng lai pơhơ\l, prun đing kram. Găh tơmam xa âu inh chhôk hơ iă lơ\m jơhngơ\m, kơlih nhôn đei minh tơdrong tơroi păng nhôn kơche\ng ăh jang tơmang pơhiơ\ noh pơjing đei minh tơmam xa kăp g^t kơ tơring păng athei vei răk tơ[ăk mong dôm tơdrong mă yang hlôi pơjing pơxư\ tơ\ teh đak po”.

Thoi noh, atu\m hăm por prung ier pơhang đei chih lơ\m Top 100 tơmam xa kăp g^t Việt Nam (jăl xơnăm 2011 – 2016), truh dang ei dêh char Đak Lăk hlôi đei 2 tơmam xa đei chih lơ\m hơnăn pơkăp Top 100 Việt Nam. Atu\m hăm noh, lơ\m dôm xơnăm tơje# âu, dôm tơmam xa đei pai đơ\ng dôm tơmam drăm hlôi đei kơ kon pơlei kon kông nhen pro tăng pai tơ[ăng, pro tăng pơm rơba hăm ka kro, dôm tơ[ăng xa đei pai đơ\ng tơ ‘mơ\ng hre, hla [ep ‘nâu nai hia roi năr roi đei [ôh lơ lơ\m hơnăn chih tơ[ăng xa kơ anih te\ch tơmam et xa, păng đei bơngai xa hmach bơnê. Đơ\ng dôm tơmam xa păng trong pai xa kiơ\ juăt jue, lơ bơngai xa athei pai pơjing tơmam xa mă tro\ [lep hăm tơdrong lăp đơ\ng tơmoi, pơjing tơdrong kăp g^t ‘lơ\ng hăm tơ[ăng xa mă duh oei vei răk tơ[ăk mong dôm um ai kăp g^t lơ\m tơ[ăng xa kơ kon pơlei kon kông tơ\ tơring.

Lan chih păng pơre nơ\r