Tang măt Kơdră chĕp pơgơ̆r Teh đak, Kơdră chĕp pơgơ̆r teh đak hôn bơnê kơtang păng hmach chơt hơ iă dôm tơdrong jơnei mă Đảng ƀô̆, kơdră chĕp pơgơ̆r, kon pơlei păng khul ƀô̆ đô̆i kŏng ang dêh char Phú Thọ hlôi iŏk đei lơ̆m sơnăm 2025. Tơ̆ hơnăp jơ ‘năr Têt joăt joe kơ hơdrĕch hơdrung, Kơdră chĕp pơgơ̆r teh đak athei khul kơdră chĕp pơgơ̆r Đảng, kơdră chĕp pơgơ̆r tơring dêh char Phú Thọ hơnơ̆ng tơlĕch jang kiơ̆ kơtang, kơjăp rim trong bơ̆ jang đơ̆ng Đảng, Teh đak găh vei lăng năng tông tơdrong hơrih sa kon pơlei, pơgơ̆r Têt Bính Ngọ sơnăm 2026 chơt hơ iă ‘nă hal, sơđơ̆ng, pơkom; mă kăl lăng kơjăp lăng ba, vei lăng năng tông ‘lơ̆ng hơ iă ăn dôm bơngai đei iŏk yoa ăn teh đak, năm ngôi apĭnh jet gia đe yă mĕ Việt Nam nuih mơng, Ƀô̆ đô̆i rơka, ƀô̆ đô̆i jĭ jăn, ŭnh hnam lôch dŏng teh đak, bơngai đei iŏk yoa ăn kĕch mang, kŏng nhân, bơngai jang hơrih sa tơnap tap, bơngai dơnuh. Ƀlep lơ̆m jơ ‘năr ou, Kơdră chĕp pơgơ̆r teh đak hlôi pôk ăn 500 tơnô̆ tơmam drăm pôk ăn ŭnh hnam dơnuh, 500 tơnô̆ tơmam drăm ăn kŏng nhân, bơngai jang hơrih sa tơnap tap.