Khul bơ̆ jang hlôi pôk ăn tơmam drăm Têt ăn 200 ŭnh hnam dơnuh ‘noh bơngai kon kông kơ tơring Ia Rvê, tơgop hơlêm kon pơlei sơng têt chơt hơ iă ‘nă hal, phĭ tơtŏ dơnŏ ‘lơ̆ng, đei dơ̆ng jơhngơm pran atŏk tơ iung lơ̆m hơrih sa. Ƀok Hoàng Duy Chinh sơkơ̆t hơdăh, Đảng, teh đak păng Kuôk hô̆i ling lang lăng ba tơdrong jang vei lăng kon kông, tơdrong hơrih sa tơpôl tơ̆ tơring sơlam teh đak; athei tơring hơnơ̆ng vei lăng năng tông tơdrong hơrih sa kơ kon pơlei, iung jang kiơ̆ ‘lơ̆ng tơgoăt tơgoăl pôm nơ̆r ƀơ̆r đon, vei kơjăp tơdrong oei sa joăt joe ‘lơ̆ng rŏ sơ̆ ki. Atŭm lơ̆m năr, khul năm ngôi, hmach thơ thou têt ăn kang ƀô̆, ƀô̆ đô̆i Kơđông ƀô̆ đô̆i Yok M’Bre. Ƀok Hoàng Duy Chinh hôn bơnê kơtang dôm tơdrong hơdrin đơ̆ng hơnih lơ̆m vei lăng năng tông tơdrong pơm tơm, sơđơ̆ng tơring sơlam teh đak păng vang iung jang tơ iung pơjing khul chinh trĭ tơring, vei lăng năng tông tơdrong hơrih sa kơ Kon pơlei lơ̆m tơring.