Têt ngôi hơdai - Pơyan puih mak bơnê kơ Đảng” tơgop tơdrong hiơ̆k bơngơ̆t Têt ăn bơngai jang mơmat tat tơ̆ Đắk Lắk
Thứ năm, 15:06, 05/02/2026
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV.Bahnar - Pơgê (4/2), tơ̆ Hnam Joh ayŏ, Bơngai jang dêh char - hơnih bơ̆ jang tơ̆ păih pơmơ̆t, găh phường Tân An, Liên đoàn Lao động dêh char Đắk Lắk pơgơ̆r tơdrong jang “Têt ngôi hơdai - Pơyan puih mak bơnê kơ Đảng” sơnăm 2026, hiơ̆k bơngơ̆t Têt ăn đoàn viên, bơngai jang đei tơdrong hơrih sa mơmat tat lơ̆m tơring păih Pơmơ̆t kơ dêh char.
Tơ̆ tơdrong jang, Khŭl pơgơ̆r hlôi pơjao 300 tơpu tơmam Têt ăn đoàn viên, bơngai jang, 1 tơpu đei kơjă 800.000 hlak jên ‘noh đei jên măt păng tơmam Têt; tơgŭm jên man 5 tŏ hnam “Pơbŭng hnam Kŏng đoan”, tơgop tơgŭm bơngai jang sơng Têt joăt joe lơ̆m hơnih tơnŏ, hiôk.
Hơdrol ‘noh, Tơdrong jang “Têt ngôi hơdai - Pơyan puih mak bơnê kơ Đảng” sơnăm 2026 kŭm hlôi đei Liên đoàn Lao động dêh char pơgơ̆r tơ̆ Hnam Joh ayŏ Bơngai jang dêh char - hơnih bơ̆jang păih Hơlĕch (phường Tuy Hòa), pơjao 300 tơpu tơmam Têt păng pơjao jên man 5 tŏ hnam “Pơbŭng hnam Kŏng đoan” tơgŭm đoàn viên, bơngai jang đei tơdrong hơrih sa mơmat tat tơ̆ tơring păih Hơlĕch kơ dêh char.
Viết bình luận