Hơnih vei lăng kon pơlei dêh char Kon Tum hlôi tơchơ̆t tơgŭm ăn rim ŭnh hnam dơnuh păng vă jê̆ dơnuh sa Têt Nguyên đán Ất Tỵ. Minh ŭnh hnan dơnuh oei tơ̆ dêh char Kon Tum đei tơgŭm ăn 600.000 hlak jên păng mĭnh ŭnh hnam vă jê̆ dơnuh tơgŭm ăn 300.000 hlak jên vă sa Têt Ất Tỵ. Akŏp kon jên tơgŭm ăn ‘măng mă ou ‘noh 6 ti hlak jên.  Hơnih vei lăng kon pơlei dêh char Kon Tum athei rim apŭng, pơlei tơm iŏk yua kon jên jang dêh char pơjao sơnăm 2025 vă tơlĕch jang tơdrong ou. Hăm kon jên tơgŭm ăn ŭnh hnam vă jê̆ dơnuh rim apŭng, pơlei tơm iung jang hơdoi hăm Hơnih jang MTTQ Việt Nam păng rim hơnih jang tơpôl chă hơvơn, sơng iŏk păng klăh asong đơ̆ng kon jên tơgŭm ăn kơ rim hơnih jang, rim bơngai ‘moi kiơ̆ Hơnih mong jên kơ yuơ bơngai dơnuh, adoi hơlen kon jên jang vă tơmơ̆t lơ̆m bơ̆ jang tơgŭm djru ou. Vă đĭ sơnăm ou ki, lơ̆m dêh char oei đei 6.557 ŭnh hnam dơnuh (tơmơ̆t 4,31% pơtêng hăm ŭnh hnam lơ̆m dêh char). Găh ŭnh hnam vă jê̆ dơnuh lơ̆m dêh char uơ oei 5.547 ŭnh hnam (tơmơ̆t 3,65%).