VOV4.Bahnar - J^ hơ ngie\ng ko\ng coi tơ\ hơ ko ‘no\h j^ 1 tơ drong j^ đei [o#h lơ mă rim ‘nu bơ\n đoa đei j^, mă đơ\ng hoei kơ krê hơ mơt ră, mă lei gô pơm ăn bơ ngơ\t lơ, ư\h kơ hiôk, lap rơ găh ăn bơ ngai j^, 1 păh ku\m pơm tơ jur le# jơ hngơ\m bơ\ jang.  

Lơ\m tơ pă yan âu, dôm ‘măng j^ tơ\ hơ ko đoa đei [o#h đơ\ng lơ tơ drong tơm pơm ăn: yua đơ\ng [^ch tep ư\h kơ lăp, kơ pling hoan dăh mă yua đơ\ng buăl kơ ve\ch hơ ko ư\h kơ lăp [ơ\t to\k bo\k pơ tâp tơ plo\ng kơ dâu...đei bơ ngai lăp j^ 1 păh hơ ko, đei bơ ngai j^ jur tơ\ kơ ko\ng ti păng tơ pang ti. Tơ drong j^ âu đei  [o#h lơ\m lơ năr [ơ\t lăp lơ\m lơ khei, lơ sơ năm....

Tơ drong tơm pơm ăn j^ hơ ko:

Đ^ đăng rim bơ ngai j^ hơ ko đei [o#h j^ đơ\ng lơ tơ drong tơm pơm ăn tơ\ hơ la âu:

Bơ\ jang hlo\h tơ drong dăh mă pơm glăi trong jang nhen dôm tơ drong jang hơ lơ\k hơ le lơ ‘măng dăh mă tưk tơ mam trăp de#h hnang.

Tơ drong bu\k kơ ting hơ ko, đoa pơm ăn yua đơ\ng ư\h kơ ‘lơ\ng tơ\ rim hoan păng tơ ley hoan dăh mă yua [ơm kơ ne# đơ\ng tơ drong tơ pl^h kră.

Dôm tơ drong đei [o#h pơ plei t^h ư\h kơ ê dăh mă đei mơn kơ j^ lơ\m kơ ting.

Te\h kơ măy vi tinh đunh de#h hnang ku\m pơm ăn dôm tơ drong j^ ăn tơ\ hơ ko.

Đei [o#h j^

Hmă hmă, dôm ‘măng j^ đei [o#h tơ\ jum dăr hơ ko păng [ơm kơ ne# tru\h hoan hơ ko. J^ gô [ơm tru\h tơ\ hơ ngie\ng dăh mă kơ ting hơ lam 2 păh hơ ngie\ng. {ơ\t lăp [ơm tru\h tơ\ kơ ko\ng ti, jơ\ng dăh mă tơ\ kơ\l, pơm ăn j^ 1 păh kơ\l dăh mă pơ đ^ 2 păh kơ\l hloi. J^ hơ mren gô pơm ăn roi j^ de#h ư\h kơ tom băt tơ dăh buăl [ơ\ hơ ko [ơ\t kơ ve\ch kơ\l găh 1 păh. Tơ drong ‘nâu oei đoa krao ‘no\h j^ hơp grêng hơ ko.

Đei [o#h j^ tơ\ hơ la kơ ting kơ\l, đei hloi j^ tơ\ 2 păh hơ ngie\ng, ti, đei mơn kơ j^ hang nhen jru\m [et dăh mă đơ đik tơ\ ti păng dôm hơ nglâu ti.

Trong hơ met j^

M^nh [ar tơ drong hơ met j^ tơ\ hơ la âu gô tơ gu\m ăn bơ ngai j^ jăh klăih kơ j^:

Bơ\n u\h to\ păng tơ ngie\t pơ lơ\h băl kư\ mă 2 jơ ‘no\h u\h lơ\m dang 15 pơ n^t tơ\ dôm an^h j^. Bơ\n thoi âu tơ gu\m dă [iơ\ kơ pơ ‘nge\h păng hoan huei kơ to\k.

Plơ\ kơ\l pơ ‘lơ\ng tơ\ găh 1 păh, pơ tơm blu\ng đơ\ng găh ‘ma đang kơ ‘no\h tơ pl^h pơ ‘lơ\ng tơ\ găh ‘ngieo. Hơ drin tơ [ư\h ku\l kang tơ\ kơ tơ\h vă dui hơ ko tơ\ hơ la, bơ\n pơm thoi no\h dang 10 giây đang kơ ‘no\h tơ pl^h băl.

Mư\h tơ oei lăng tơ păt tơ\ găh hơ năp, kăl kơ tơ oei tơ păt, vei ăn kơ kơ\l păng hơ ko tơ păt.

Hơ li pe\t pơ ‘lơ\ng hơ ko.

Huch pơ gang vă tơ jră pơ ‘nge\h păng j^ kiơ\ nơ\r pơ tho đơ\ng bác sĩ.

Bơ ngai j^ athei hơ drin bơ\ jang pơ ‘lơ\ng. Hơ drin pơ vei dôm tơ drong jang hmă vă tơ gu\m ăn kơ hoan tơ\ hơ ko ling lang pơ pơ\, ư\h kơ gơ\h [^ch 1 an^h tơ\ giơng. Tơ dăh bác sĩ athei [a\k kơ vang vă vei lăng hơ ko, buăl athei pơm kiơ\. Hơ drin [a\k to\ xe\t hlo\h hlo\h đơ\ng 2 năr tơ\ kơ pal vă pơm sơ đơ\ng kơ ting hơ ko.

Trong tang găn:

Buăl gơ\h tang găn đei dôm tơ drong j^ tơ\ hơ ko thoi âu:

Bơ\n hơ met tưk kơ tơ\h, hơ chăng pơ ‘lơ\ng 2 păh hơ ngie\ng, ku\p  tơ\ hơ la păng vei tơ păt kơ\l. Bơ\n pơm thoi âu gô tơ gu\m hơ ko ling lang ‘lơ\ng, tơ păt păng hiôk.

Mư\h [^ch tep:  1 pôm ‘long kơn kơ đe\h \no\h j^ bơ\n rơ\ih io\k tro\ [lep hăm đ^ đăng rim bơ ngai. ‘Ne\ kơ [^ch kơ mu\ brum mư\h tep.

Mưh bơ\ jang: ‘Ne\ kơ ku\p kơ\l de#h hnang dăh mă hơ grêng kơ\l 1 păh đunh de#h hnang. Athei tơ pl^h băl mă pơ ‘lơ\ng, tơ toch akâu tơ păt hơ nơ\ng.

‘Ne\ kơ tơ che\ng, bơ ngơ\t lơ: Pơ tâp tưk hơ ko, ku\p kơ\l tơ\ găh hơ năp, ngơk tơ\ găh ro\ng, hơ grêng kơ\l tơ\ ‘ma, găh ‘ngieo, pơ dăr kơ\l păng hơ ko, pơ tâp hơ ko ku\p ngơk tơ\ kơ pal.... pơ tâp hơ nơ\ng gô tang găn đei tơ drong j^ hơ ko.

Thuem tơ blơ\