VOV4.Bahnar - Tơ̆ hop akŏm tơbăt ăn Khŭl chĭh kơtơ̆ng ang kơ Dơnŏ anĭh chĕp pơgơ̆r tang găn jĭ hơbŭh Covid-19 pơgơ̆r kơsơ̆ brei, năr 1/11, tang măt ăn Dơnŏ anĭh vei lăng jang pơgang pơlei tơm Hồ Chí Minh sơkơ̆t hơdăh, tơdrong ƀet vaccine ăn hơ iŏh đơ̆ng 12-17 sơnăm kăl jang kiơ̆ ƀlep hăm tơdrong tơchơ̆t đơ̆ng Dơnŏ anĭh tơm vei lăng jang pơgang, ư̆h kơ gơ̆h ƀet ăn hơ iŏh tim mă trŭh 12 sơnăm.

Hop akŏm tơbăt Dơnŏ anĭh tang găn jĭ hơbŭh Covid-19 pơlei tơm Hồ Chí Minh

Ƀok Trịnh Duy Trọng, Kơdră chĕp pơgơ̆r Hơnĭh bơ̆ jang Chĭnh trĭ jơhngơ̆m đon kơ Dơnŏ anĭh vei lăng Hnam trương pơtho pơhrăm pơlei tơm Hồ Chí Minh tơbăt, hrei au oei đei 236 hnam trương đei iŏk yua vă tang găn jĭ hơbŭh Covid-19 tim mă đei pơdreo ăn dơ̆ng. Tơchĕng hơdrol, lơ̆m khei 11/2021, đĭ đăng rim hnam trương au gô đei pơjao ăn.  Đei ƀơm trŭh tơdrong tơdrong tơbăt, mĭnh ƀar hnam trương hlôi pơma dơnŭh hăm mĕ ƀă hŏk tro ăn asong ƀet bơ̆ng ăn hŏk tro lăm 6 tim mă trŭh 12 sơnăm vă jơnei ƀet tôm hŏk tro, ƀak si Nguyễn Hồng Tâm, Kơ iĕng Kơdră chĕp pơgơ̆r Dơnŏ anĭh dăr hơlen jĭ jăn pơlei tơm Hồ Chí Minh tơbăt, tơdrong ƀet bơ̆ng ăn dôm jơhnơr au kiơ̆ trong pơtho tơbăt đơ̆ng dơnŏ anĭh pơm tơlĕch pơgang păng Dơnŏ anĭh tơm vei lăng jang pơgang.

Tơblơ̆ nơ̆r: Amazưt