VOV4.Bahnar - Lơ\m tơdrong chơt hơ iă puih mak, ja#p teh đak hơmet xơng têt Kỷ Hợi 2019, kon pơlei tơ\ pơlei Wiâo A, th^ tra#n Krông Năng, apu\ng Krông Năng, dêh char Đăk Lăk, pơgơ\r et xoi hơdra#m đak, oei krao noh Têt hơdra#m đak, vă hmach bơnê yuơ minh xơnăm pơm jang đei yua lơ, apinh Yang axong ăn minh xơnăm ‘nao phe [a [enh hnam, hơ[o [enh cham, rim bơngai lơ\m pơlei jơhngơ\m jăn grăng pran.

Đơ\ng kră xơ\, kon pơlei Êđê tơ\ apu\ng Krông Năng lăng pơg^t thong đak, lăng hơdra#m đak noh tơm kơ tơdrong lôch erih. Hơdra#m đak tih hloh kơ apu\ng, kiơ\ kră xơ\, noh yuơ Bia H'Năng chă [ôh đơ\ng ro\ng 7 pơyan khei pơn^l. Hơnăn đak krong Krông H'Năng dang ei đei krao kiơ\ hơnăn bia âu, vă [lo\k tơbăt kơ bơngai hơdruh hlôi kơ ‘nôh yuơ pơlei pơla mă lôch hơchăng ăh hơdra#m đak mă po ‘nao chă [ôh.

Tơ\ pơlei Wiâo A, hơdra#m đak hơnơ\ng đei vei lăng tơnăp, hăm anih lơ ‘long tih, thong đak hơnơ\ng rơngơp hlăng.

Vă hnam bơnê kơ Yang yuơ minh xơnăm pu\n ai, [ok Y Cho Mlô, tơm hơdra#m đak, hlôi hơmet minh pôm nhu\ng vă pôk bơnê. Tơmam xoi plang đei tôm hơkâu nhu\ng nhen kơ\l, hơkâu, jơ\ng, klơm klak, pham. Atu\m hăm noh đei 3 tơm xik (Kpiê  ceh), 1 pôm hơkă (Bung), 1 to\ tơgăk (Kgă), dôm tơmam yua kăl hloh kơ tơdrong jang mir tơ\  Tây Nguyên.

Ăh ‘năr to\k kơjung, tơdrong hơmet pơtơm keh đang. Đơ\ng ie\ khe\ kră, hơdruh tơdăm hru\k hơbe\n ao tanh guăng ‘lơ\ng, atu\m băl jur tơ\ hơdra#m đak kơ pơlei.

Adrol kơ jur truh hơdra#m đak, kon pơlei veh tơ\ Hnam hơku\m, atu\m pơ ‘nguaih hnam, cham păng xut ching chêng, hơgơ\r, tang do\ kơjung (Kpan) păng minh [ar tơmam kăl hơmet ăn tơdrong xoi tơbeh. Vă tơnăp rim tơmam hơmet đei, hơmru\k ching chêng gô đei tôn ang păng khul hơdruh tơdăm lơ\m pơlei le\ch tơ\ cham hơxuang kiơ\ tơdra chêng.

Truh hơdra#m đak, kră pơlei Y Wơn Niê đo\k xơkat [ai xoi tơbeh bơnê kơ Yang. Đơ\ng ro\ng pơtôch [ai xoi tơbeh noh io\k pơnhan xik lu\k lơ\k hăm pham nhu\ng, năm chruih tơ\ rim tơ nglang đak hăm tơdrong vă apinh Yang axong ăn pơlei pơyan jang ‘nao đak hlăng rơgoh, đei đak jrăh hloh.

Đơ\ng ro\ng kơ xoi tơbeh đang, rim bơngai atu\m băl et tơdrô lơ\m pơnhan noh. Khul hơdruh văk đak lơ\m plui păng ‘nhăk vih pơlei hăm tơdrong vă pơtih axong ăn kon pơlei atu\m yua thơ thâu tơdrong ‘lơ\ng mă Yang axong ăn. Lơ\m joh ayo\ kră xơ\ kơ kon pơlei Êđê, xoi tơbeh kơ hơdra#m đak jing minh lơ\m dôm khôi kăp g^t hloh.

Adrol hloh noh hmach bơnê kơ Yang yuơ hlôi ling lang vei vêr pơyan jang xa păng kon pơlei đei minh xơnăm ‘mi kial xơđơ\ng hăm jơhngơ\m jăn grăng pran. Pơtoi kơ noh tơbang đon bơnôh vang glơng rim tơdrong tơnăp, drơ\ng nơ\r tơguăt tơguăl jang xa vă đei minh tơdrong erih ph^ tơto\ păng jơnap xo# xôn hloh.

Lan chih păng rapor