VOV4.Bahnar - Lơ\m tơdrong Ako\m tơdrong tanh brai vai khăn Việt Nam ‘măng mă mônh pơgơ\r tơ\ dêh char Đak Nông, năr 15/1, Anih vei lăng kon pơlei dêh char Đak Nông jang atu\m hăm Vie#n Văn hoă Nge# thuơ\t teh đak (Anih tơm Joh ayo\ - Tơplo\ng kơdâu păng Tơmang pơhiơ\) pơgơ\r tơdrong pơma đam hăm hơnăn “Tơdrong tanh brai vai khăn dôm hơdrung kon kông Việt Nam”.

            Hơbăn ao tanh jing um ai Joh ayo\ ‘lơ\ng ro\ kơ rim tơring, rim hơdrung kon kông. Dôm tơmam tanh x^t adoi hăm tơpang ti rơgei, pơ ‘nam đơ\ng bơngai drăkăn lơ\m pơlei pơla kon kông Việt nam. Tơmam tanh ưh adro# đei măt lơ\m tơdrong erih rim kơ năr, lơ\m tơdrong pơm jang, pơm tơmam te\ch răt kiơ\ trong kơdih pơm tơle\ch tơmam drăm, mă oei ưh gơh kơ[ah lơ\m tơdrong ako\m et xa pơx^t pơkong.

            Pơkăp ăh ‘măng Pơma đam “Tơdrong  tanh brai hơdrung kon kông Việt Nam” Bơngai chă hơlen joh ayo\ Linh Nga Niê Kdăm xơkơ\t: Dang ei joh ayo\ tơmam tanh kơ kon pơlei kon kông pơma atu\m to\k bo\k je# hiơt hiong lơ\m tơdrong erih rim kơ năr.

Vă vei xơđơ\ng tơdrong tanh brai noh athei vei răk tơ[ăk mong tơdrong jang tanh brai juăt jue lơ\m tơpôl kon pơlei kon kông.  ‘Meh vei răk tơ[ăk mong tơdrong jang tanh brai juăt jue noh ưh adro# tơre\k tơdrong pơtho tanh hăm trong jang xo mă kăl tơguăt atu\m hăm tơdrong jang ‘nao. Atu\m hăm noh tơre\k truh tơdrong chă anih te\ch tơle\ch tơmam drăm, kơjă păh lăp, hơmet pơ ‘lơ\ng hơbăn ao dăh mă pơm tơle\ch tơmam yua nai. Bơ\n athei tơle\ch hơmet không tanh tih hloh vă chă tanh gơh xă hloh, tanh tenh hloh, yua brai hơtăng hloh vă chă tanh gơh rơmuơn ‘lơ\ng hloh hăm tơdrong ‘meh vă tơmam tanh x^t gơh vih hơlơ\k hăm tơdrong erih pơlei pơla: “Mưh hiong đ^ um ai tơmam tanh, hiong pơđ^ um ai joh ayo\ tơmam tanh noh duh hiong pơđ^ joh ayo\ kon kông. Yuơ noh, tơdrong mă pơm thoi yơ vă vei răk tơ[ăk mong kơtă lơ\m pơlei pơla jing tơdrong kăp g^t hloh, đơ\ng ro\ng kơ noh pơtơm tơbang truh bôl boăl. Kiơ\ kơ inh vă tơle\ch hơvơn ho\k tro jăl kơđeh, trung ho\k kơ sơh tơ\ tơring kon pơlei kon kông, minh giư\ng đei đơ\ng minh truh 2 ‘măng hru\k hơbăn ao tanh kon kông năm ho\k. Hơvơn rim bơngai lơ\m unh hnam athei đei hơbăn ao kon kông, yuơ noh jing mu\k drăm joh ayo\ kơ kon bơngai”.  

            Pho\ Giáo sư - Tiến sĩ Bùi Văn Sơn Kơdră Vie#n Văn hoă nge# thuơ\t kơ teh đak Việt Nam akhan: Tơmam tanh jing che tanh hăm ti đei kơjă joh ayo\ kăp g^t, um ai kơ minh hơdrung bơngai. Kiơ\ tơdrong kăp g^t đơ\ng brai tanh hơbăn ao hru\k kon kông bơ\n gơh băt um ai bơngai hơdrung yơ, tơdrong tơroh ako\m joh ayo\ đơ\ng hơdrung kon pơlei erih lơ\m tơring tơje#. Tơmam tanh ưh adro# jing hơbăn ao hru\k mă oei đei yua lơ\m tơdrong et xa juăt jue, pơm tơmam tơbăt lơ\m pơx^t pơkong, groong [u\. Lăng hơlen um pơro\ lơ\m brai tanh, bơ\n duh băt đei khôi juăt, đon lui hăm cham char đơ\ng hơdrung bơngai noh. Mă lei lơ\m khei năr dang ei hăm tơdrong hơto\k găh khoa ho\k kih thuơ\t hlôi tơre\k truh tơdrong erih kon pơlei. Lơ hơbăn ao tanh kră xơ\ hlôi đei tơplih hăm hơbăn ao chăl ‘nao dang ei. Rim ng# nhơ\n tanh brai roi năr roi pă gan đei, khul hơmuh hơmo\ng dang ei ưh đei tơguăt hăm tơdrong tanh brai. Tơmam tanh x^t noh đunh khei năr păng te\ch ưh đei hlot pơm ăn rim nge# nhơ\n tanh brai ưh đei tơklep hăm tơdrong jang po, pơm ăn tơmam tanh đei roi ưh kơ hiôk:  “Hăm dôm tơdrong tơnap tap noh, hăm tơdrong roi năr roi pă đei tơmam tanh. Tơdrong âu gô pơm hiong pơđ^ um ai joh ayo\ juăt jue, hiong pơđ^ um ai kăp g^t kơ hơdrung bơngai. Yuơ noh kăl đei dôm tơdrong hơlen tôm tong hloi, pơkăp găh vei răk tơ[ăk mong um ai joh ayo\ kăp g^t âu, vă pơtoi vei xơđơ\ng joh ayo\ tơmam tanh kăp g^t kơ hơdrung bơngai kon kông păng dar deh pơjing um pơtih ăn kơ jơnu\m tơpôl”.

            Yă Tôn Thị Ngọc Hạnh- Pho\ Kơdră Anih vei lăng kon pơlei dêh char Đak Nông ăn tơbăt, ‘măng mă blu\ng Lêh ako\m joh ayo\ tanh brai vai khăn Việt Nam đei pơgơ\r, âu jing trong hiôk vă Đak Nông tơbang um ai kơ dêh char truh hăm bôl boăl lơ\m teh đak păng lơ\m kơpal teh. Duh jing ‘măng vă dêh char Đak Nông đei dôm trong jang vei răk tơ[ăk mong tơdrong tanh brai vai khăn kơ dôm hơdrung kon kông lơ\m dêh char: “Nhôn hơpơi hăm dôm [ai hơlen khoa ho\k hăm dôm tơdrong đei [ôh păng đon lăp hăm tơdrong joh ayo\ kon kông tơguăt hăm tơdrong tanh brai. Tơguăt hăm joh ayo\ hơto\k noh, rim bơngai jang hơlen tơgu\m ăn nhôn băt lơ tơdrong hloh duh nhen xơkơ\t trong vă vei răk tơ[ăk mong tơdrong tanh brai vai khăn, tơdrong ‘lơ\ng ro\ kơ um ai joh ayo\. Mă kăl hăm Đak Nông, hăm 40 hơdrung kon pơlei ‘nho\ng oh, nhôn ‘meh vă pơm thoi yơ vă vei răk tơ[ăk mong dôm um ai tơroh kon pơlei kon kông vă đei kơjă joh ayo\ kơjăp xơđơ\ng lơ\m khei năr ano# anăp kơnh”.

 Pơma đam hơnăn “Um ai tanh brai vai khăn kơ lơ hơdrung kon kông Việt Nam” đei pơgơ\r lơ\m ‘măng Ako\m joh ayo\ tanh brai vai khăn Việt Nam ‘măng mă mônh, minh ‘măng dơ\ng xơkơ\t tro\ tơdrong kăp g^t kơ tơmam tanh lơ\m tơdrong erih, atu\m hăm noh pơtoi đei dôm trong vei răk tơ[ăk mong kơjă joh ayo\ kăp g^t kơ kon pơlei kon kông Việt Nam truh hăm bôl boăl lơ\m teh đak păng lơ\m kơpal teh.

Lan chih păng rapor