VOV4.Bahnar - Tơ\ hop ako\m khoa ho\k hơ me\ng tơ che\ng hơ len hơ to\k tơ iung pơ gang vaccine tang găn j^ ăn bơ ngai tơ\ Việt Nam pơ gơ\r pơ gê brei tơ\ Hà Nội, an^h tơm vei lăng găh jang pơ gang tơ băt, hlôi pơm tơ le\ch jơ nei pơ gang vaccine tang găn j^ hơ nơ\k vă tơ pl^h pơ gang vaccine răt tơ mơ\t đơ\ng te\h đak đe.

Tơ che\ng hơ drol pơ gang vaccine âu đei vei răk te\ch lơ\m an^h te\ch mơ dro blu\ng sơ năm 2019 păng hlôi đei an^h jang pơ gang apu\ng ple\nh te\h (WHO) pơ kăp răt io\k. Kiơ\ kơ pho\ kơ dră an^h tơm vei lăng găh jang pơ gang Nguyễn Thanh Long, pơ gang vaccine tang găn j^ hơ nơ\k yua đơ\ng Việt Nam pơm tơ le\ch gô đei kơ jă lăp dang 1/3 kơ jă pơ gang vaccine atu\m kơ loăi to\k bo\k răt tơ mơ\t đơ\ng te\h đak đe.

Lơ\m apu\ng ple\nh te\h dang ei ch^h io\k 30 tơ drong j^ hlôi đei pơ gang vaccine. Việt Nam ‘no\h j^ 1 lơ\m 42 te\h đak pơm tơ le\ch đei pơ gang vaccine tang găn j^, hăm 10 kơ loăi pơ gang vaccine hlôi đei pơm tơ le\ch lơ\m te\h đak. Kiơ\ trong tơ le\ch jang tru\h sơ năm 2024, te\h đak bơ\n pơm tơ le\ch đei 12 kơ loăi pơ gang vaccine, tru\h sơ năm 2030 đei 14 kơ loăi pơ gang vaccine.

Thuem tơ blơ\