VOV4.Bahnar - Pơ gê ‘năr 14/9, tơ̆ anih bơ̆ jang kơ Anih tơm jang tơ bôl hlôi pơ gơ̆r pơm lêh sơng iŏk pơ trŏ 1 trĭu 500.000 kơ liêu vaccine Astra Zeneca bơ̆ng jĭ Covid-19 yua đơ̆ng khŭl kơ dră teh đak Phalăng păng Italia tơ gŭm ăn Việt Nam ‘moi kiơ̆ trong jang COVAX. Pơ ma tơ̆ jơ pơm lêh, Phŏ kơ dră tơm  Tô Anh Dũng bơ nê păng lăng ‘lơ̆ng tơ drong tơ gŭm kăp gĭt păng tơ tom đơ̆ng khŭl kơ dră teh đak Phalăng păng Italia, tơ gop ‘lơ̆ng ăn tơ drong jang tang găn jĭ Covid-19 tơ̆ Việt Nam. ‘Nâu jĭ tơ ƀôh hơ dăh ăn tơ drong hơ tŏk tơ iung ‘lơ̆ng đơ̆ng tơ drong pơ vei jang hơ dai đơ̆ng Việt Nam hăm Phalăng păng Italia lơ̆m dôm sơ năm âu ki kŭm nhen tơ drong tơ bôl, 1 jơ hngơ̆m đon, vang hơ dai băl tơ gŭm mơ mat tat, yak hloh jĭ hơ buh. Phŏ kơ dră Anih tơm vei lăng găh jang pơ gang Trần Văn Thuấn pơ ma hơ dăh gô jăh klăih song pơ gang vắc-xin âu ăn rim tơ ring păng vei sơ đơ̆ng tơ drong iŏk yua ‘lơ̆ng păng đei yua hloh.

Thuem: Tơ blơ̆