Pathau mikva saong taong abih gauk! Yaom lac abih ralo thun glaih glar peih taneh bilau piah hu taneh pala njam patam, rai diuk gaok kan kandah, min thương binh Nguyễn Minh Quốc daok di xã bhum atah Đạ Rsal, huyện Đam Rông, tỉnh Lâm Đồng hu alin brei 8.000m2 taneh piah padang ngak sang bac. Tui ong, taneh ini, salih ka pala bei ong caik piah” pala menuac” siam jang.

Pathau mikva saong taong abih gauk! Lac tỉnh kan kathaot ngan saong 42 bangsa diuk rai, bruk padang ngak palei pala barau di Bình Phước daok dang anak ralo kan kandah. Hadei di labaih 5 thun peih ngak danak dak bruk ngak negar ka padang ngak palei pala barau, tỉnh Bình Phước oh pataom hu dom nguồn lực XH yau kế hoạch, ngak ka rilo công trình oh ngak hu. Gam saong nan, dom puk palei di tỉnh ini oh ka padang hu dom bruk ngak mbang hu kein laba ka urang nông. Kadha vak di Thành trung, urang vak di rayo sap ndom VN daok di ban raya HCM.

Pathau mikva saong taong abih gauk! Pachreih tui bruk jak ba “Dam dara ba tangin tame padang ngak palei pala barau saong văn minh đô thị”, bilan dam dara thun ini, dam dara Đăk Lăk hu ngak ralo công trình, bruk ngak dam dara, peih ngak ralo bruk ka rai diuk bhap bini, an sinh-xã hội. Meng bhum atah bayah tal đô thị pasak, jeng hu inem mek di dam dara, caik veik rilo siam mekre dalam hatai bhap bini saong karja palei. Urang vak Tuấn Long hu kadha vak brei thau ka bruk ini:

Pathau mikva saong taong abih gauk! Tukvak tapa, piah langyah bruk pablei pandap tabiak saong langyah kan kandah ka doanh nghiệp blei saong chế biến mì, urang dang akaok UB bhap bini tỉnh Ninh Thuận hu dom mbang ngak bruk saong urang dang akaok Công ty Fococev Ninh Thuận, ginum meyai jalan pasiam veik, jeng yau hu sarak daong ka doanh nghiệp. Min anak meta mboh lac siam lagaih ba mai oh glaong, makna nan lac kayua bruk pambuak gauk di urang pala bei saong doanh nghiệp pataom blei oh ka njauk gauk, ba tal khat lahik ka urang nong. Kadha vak di urang pambuak bruk Công Phong-Văn Cảnh brei thau ka bhum nguyên liệu bei di huyện Ninh Sơn, tỉnh Ninh Thuận.

Pathau mikva saong taong abih gauk! Dalam tukvak jaik di ini, thể thao thành tích glaong di tỉnh Bình Thuận mek hu ralo huy chương ameh, huy chương pariak pakat khu vực saong dunya di dom janih Võ thuật, Điền kinh, pakacah gaiy. Ini jeng lac dom kadha thể thao khang urak ini hu tỉnh đầu tư saong khik ramik piah yam tal dom jak jeng barau. Kadha vak di Đoàn Sĩ – urang vak di rayo sap ndom Việt Nam daok di ban raya Hồ Chí Minh brei thau ka bruk ini:

Pathau mikva saong taong abih gauk! Patagok bruk ba akaok nao dahlau di dalam dara, tal urak ini dalam tỉnh Bình Thuận hu ralo mô hình ngak kinh tế hu kein laba di dam dara. Dalam nan hu dom dam dara urang bangsa takik. Pahadar 86 thun harei padang đoàn dam dara Cộng sản Hồ Chí Minh, kol drei nao rivang dua mô hình ngak kinh tế di urang đoàn dam dara Lê Công Lợi daok di huyện Tuy Phong saong Vày Say Và, huyện Bắc Bình tapa kadha vak di Đoàn Sĩ – urang vak di rayo sap ndom VN daok di ban raya Hồ Chí Minh:

Pathau mikva saong taong abih gauk! Pachreih tui bruk “Dam dara Tây Ninh ba tangin tame padang ngak palei pala barau”, tukvak tapa, dom pakat bộ đoàn saong urang đoàn, dam dara dalam tỉnh Tây Ninh hu ralo jalan ngak gheih piah rik daong padang ngak palei pala dak harei dak siam mekre. Sa dalam dom bruk ngak hu kein lagaih saong hu makna abih di dam dara Tây Ninh lac bruk “Truac hadah jalan palei”. Sa Phi Giah, urang vak di rayo sap ndom VN daok di ban raya HCM hu kadha vak khan ka bruk ngak ini:

Pathau mikva saong taong abih gauk! Tui Đề án Rami ramik veik gah ngak nông saong patagok palei pala pambuak saong padang ngak palei pala barau tal thun 2020, tỉnh Bình Phước hu pala 3 janih phun công nghiệp praong lac: Cao su, pa-aok blait saong am riah kalu. Min, di tỉnh Bình Phước, bhap bini daok ba gauk tak klak phun pa-aok blait, cà phê, ca cao piah salih tapa pala amriah kalu saong cao su. Bruk bhap bini salih tapa pala biak rilo 2 janih phun angaok nan daok ngak tayah quy hoạch di gah ngak nông saong mbuan ba tal ralo khat lihik. Kadha vak di Thành Trung, urang vak di rayo sap ndom VN daok di ban raya HCM brei thau ka bruk ini. Daa mikva saong taong abih gauk tui pang:

Pathau mikva saong taong abih gauk! Urak ini lingik tuk pandiak tuk hajan nan ye biak lagaih ka jit ruak di tapon athur raong hu jalan tagok glaong. Gah daih biên giới jit ruak jeng daok rah tabiak khang. Di Đồng Tháp yaom lac oh ka mboh hu ruak di tapon menuk ada, athur raong, min bruk pacang caga jeng daok hu ngak khang.