Dalam dom sarak patrun kathaot, sarak dong taneh pala drak ka mik va bangsa takik lac bruk praong dong kabhap bini hu jalan ngak mbang, tani tanat rai duik, min bruk peih ngak sarak ni gaok oh takik kan kandah Kadha vak di Trọng Thủy angaok harak mbao tin tức ndom ka bruk ni.

Ariya lac sa inem krung biak hu yaom glaong di urang Chăm, lac bruk ngak brei hadah mbaok meta di sa bangsa min nyu lihik nao meng lavik mai. Hu oh takik dam dara Chăm oh thau, oh takre doh, cuak ariya… Thun 2005, kalup kapul hala paneing palei Chăm Phú Nhuận, xã Phước Thuận, huyện Ninh, tỉnh NT tabiak rai song ni lac kalup kapul “ngak brei duik veik” bruk doh- cuak Ariya dalam rai duik bahrau. Daa mik va song tong abih gauk duah thau kalup kapul ni dalam bruk khik ramik ilamu di bangsa Cham tapa kadha vak di Ái Nghiêm, urang vak di rayo sap ndfom VN dok di ban raya HCM.

Pathau mik va song tong abih gauk! Hu tỉnh Kon Tum peih ngak meng thun 2011, sarak bayar jien dịch vụ môi trường glai hu tame dalam rai duik, hu ngak brei siam jang bruk rami ramik, khik caga saong patagok glai di tỉnh. Tal urak ni, taong abih mblang taneh pabak ka môi trường glai hu labaih 360.000ha samu labaih 60% taneh glai di tỉnh. Anak meta mboh lac, sarak bayar jien dịch vụ môi trường glai dok ngak jeng jalan kinh tế khang kajap piah dom po glai song bhap bini puk palei sahaneng hatai khik caga song patagok glai. Kadha vak di urang vak Khoa Điềm, dok di bhum Tây Nguyên hu ndom tal bruk ni

Pathau mik va urang ngak nong! Salih bahrau, rong rilo janih haong gauk, pala padai pambuak song rong kaya ikan, rami ramik, tui iek tapa Internet lac jalan sahaneng ngak kaya meda biak gheih, dong ka ong Bùi Văn Núi di Hà Nội, yaok thun duah hu labaih 500 triệu đồng. Dalam kadha “ Urang ngak hamu cong thau” harei ni, khol drei duah thau ka urang nong ni di bhum taneh Hà Thành.

Pathau mikva saong taong abih gauk! Bác sỹ - Anh hùng lao động, gru jru bhap bini Tạ Thị Chung bo ralo urang jakar y, bác sĩ, kapul chữ thập đỏ sang iek ruak Từ Dũ anit ranam ieu lac “anai Hai Chung” – lac sa dalam dom urang halan hatian praong thun hadah krah di sang iek ruak Từ Dũ. Urang kamei nan, dalam labaih 10 thun ini mai hu rik daong ngak jeng bruk praong ka sang iek ruak Từ Dũ, ban raya Hồ Chí Minh, lac urang jak ba hu ralo jien daong piah iek glang ka uranaih jaoh jo, urang ruak kan kathaot….Thúy Linh, urang vak di rayo sap ndom VN daok di ban raya HCM hu kadha vak khan ka kreih camin ini:

Pathau mikva saong taong abih gauk! Anit bruk ngak, ranam anek naih saong thau klah rabha dom rambah rambup, glaih glar di anek saih saongbhap bini daok di dom bhum tasik pulao, rilo gru pato halan hatian tabiak pulao daok hong mikva, kham merat abih drei piah ba akhar huroh, ba ilamu tal dom adei. Daa mikva saong taong abih gauk nao taom gaok dom anai gru, cei gru daok pato bac di dom bhum tasik pulao di taneh ia tapa kadha vak di Thu Hiền, urang vak di rayo sap ndom VN.

Pathau mikva saong taong abih gauk! Tỉnh Ninh Thuận daok pok hồ sơ khoa học likau UNESCO pasang iek brei angan dom bimaong CHăm saong Ka tê lac inem krung ilamu vật thể saong phi vật thể di menuac sia dunya. Ini oh lac bruk bui sambai, bruk hadah mbaok ngan saong bhap bini urang Chăm bo daok lac jalan peih tabiak piah bhap bini labik ini patagok bruk du lịch cộng đồng piah yaih khan ilamu bangsa Chăm saong rik daong salih barau rai diuk. Kadha vak di Đoàn Sĩ – urang vak di rayo sap ndom VN daok di ban raya HCM:

Pathau mikva saong taong abih gauk! Langkawi hu angan lac pulao intan, daok di gah brak Malaysia. Langkawi lac sa binah di quần đảo ini, hu 99 hòn đảo. Ini jeng lac sa dalam dom labik mai krein randap di bhap bini Malaisia dalam dom tuk padeih lễ. Labik ini dui pachreih tuai damuai ngan saong ia tasik janyaih hijao, cuah patih saong dom thắng cảnh biak mekre. Pulao ini daok hadah mbaok saong angan “mblang bein địa chất toàn cầu” kayua UNESCO pok brei angan di thun 2007. Dom huyền thoại saong dom bí ẩn di baoh pulao ini jeng ngak ka tuai damuai katuak drei saong chreih hatai. Kol drei gam saong Jasi – urang vak di rayo sap ndom VN daok di ban raya HCM mai rivang pulao ini:

Pathau mikva saong taong abih gauk! Di tỉnh Tiền Giang hu 2 sang bac bhian raong pato uranaih jaoh jo lac: pasak daong patagok pato megru ba drei tame tỉnh saong sang bac khuyết tật Nhân Ái. Ini lac dom sang bac biak đặc biệt, langiu ilamu pato pakai ye dom urang jakar, gru pato labik ini hu hatai anit ranam praong, abih hatai jai ka dom adei oh patuah. Nhật Trường urang vak di rayo sap ndom VN daok di bhum taneran kraong Cửu Long hu kadha vak ka bruk ngak kandeng joa di dom gru pato ini:

Pathau mikva saong taong abih gauk! Rilo thun ini mai, di kraong Đồng Nai, labik nao tapa phường Long Phước, quận 9, ban raya Hồ Chí Minh njauk glut jaleih khang kayua urang mek cuah sung hukum. Daok di labik ini meng lavik mai, andik hatai mboh taneh riya, sang danaok daok lahik nao, 2 anek ame ong Nguyễn Văn Phó, umo 75 thun saong saai Nguyễn Tuấn Hải, umo 46 thun kham merat pacang kol klaik mek cuah yaom lac gaok oh takik kan kandah. Bích Huyền, urang vak di rayo sap ndom VN daok di ban raya HCM hu kadha vak brei thau ka dua urang anek ame ini, daa mikva saong taong abih gauk tui pang: