Hadei di 10 thun peih ngak Danak dak bruk ngak negar padang ngak palei pala bahrau, meng hatai kham merat glaong, gam haong bruk pachreih tui di bhap bini, mbaok meta palei pala di tỉnh Bến Tre hu rilo salih bahrau. Jalan mbak nao mai, dom bruk duh ka KTXH dak harei dak hu ngak siam, pabak hu ka hatai caong dak harei dak glaong di bhap bini. Kadha vak mangaok báo online TTX VN brei thau ka rilo jalan ngak gheih dalam bruk padang ngak palei pala bahrau di Bến Tre. Da-a mikva saong taong abih gauk tui pang.

Dalam tỉnh Long An hu labaih 1.560 doanh nghiệp daok ngak bruk saong hu jaik 176.000 urang ngak. Tukvak tapa, urang ngak gaok rilo kan kandah, abih di nyu lac kan kandah ka labik daok. Patagok sang daok xã hội, sang daok ka urang ngak, lac sa dalam dom jalan ngak di tỉnh piah dui pachreih menuac ngak. Kayua yau nan ye, dalam rilo thun mai ini, langiu di bruk kuhria ka raidiuk di urang ngak, di Long An bruk padang dom sang daok, lac bruk daok hu caik hatai sangka peih ngak. Nguyễn Quang – urang vak di rayo sap ndom VN daok di ban raya HCM hu kadha vak ka bruk Long An daok padang ngak 500.000 baoh sang ka urang ngak.

Di masa tukvak ini, rilo tuai damuai roh duah tal rilo labik nao main jeng ye brei tagok jalan ka dom mbang nao ma-in dalam tukvak padeih padei dalam bilan hè jaik mai tal. Thau cambaih kein laba yau mek hu ameh, tỉnh Ninh Thuận drah samar peih rilo bruk ngak piah pachreih hu ralo tuai damuai rivang; dalam nan hu iek praong tal bruk ngak bahrau dom bruk ngak pandap nda ka du lịch, brei paglaong pasiam bruk ngak dịch vụ piah pachreih hu tuai damuai mai main. Kadha vak di Nguyễn Thành hu ba tagok mbao online Tin Tức ndem mayai tal bruk yau bau blaoh, daa mikva saong taong abih gauk tui pang:

Tukvak masa ini, rilo resort, khách sạn 3 - 4 patuk di Mũi Né, Hàm Tiến, Tiến Thành (ban Phan Thiết), Cam Bình (ban sit La Gi) tỉnh Bình Thuận hu taduan tuai caik takai jaik abih bilik dalam 3 bilan he anak tal. Ini lac sa bruk biak bui sambai brei ka gah du lich Bình Thuận hadei di 2 thun ndih gindang kayua njauk jit Covid-19. Kadha vak di Đoàn Sĩ – saurang di rayo sap ndem VN di ban raya HCM:

Ruak thành tích nyu ngak brei dak harei dak hu rilo anek saih naih, joi dalam sa tal bac - nyu glaong jang rilo mbang anek saih bac trung bình – ba tal bruk lac di tuk puac thun bac, hu biak rilo harak mayaom saong pandap thuong hu pok brei. Ths .Lê Trường An – Gru pato di Sang bac ĐH Mở TP.HCM hu kadha vak ba tagok mbao Tuổi Trẻ hu ndem ka bruk oh siam meng pok mayaom oh njauk. Daa mikva saong taong abih gauk tui pang:

Meng di tuk akaok thun 2022, Gilang paraik Kanja hu ieu kakei dom Gilang paraik takik brei masraiy jien pambuak tal gah taneh riya, sang danaok. Bruk ini rilo - takik jeng ngak kan kandah tal po đầu tư saong urang blei taneh riya, sang danaok Min, di mbang ginum biai “Peih phun jien ka darak pasa taneh riya, sang danaok” hu peih tabiak di harei 7/6, dom gilang pariak brei thau lac oh pacang klaoh bruk brei masraiy di gah ini. Kadha vak di Duy Phương, urang vak di rayo sap ndom VN daok di ban raya HCM hu ndem ka bruk ini:

Tui Hiệp hội Chế biến saong pablei tabiak negar langiu kaya ikan Việt Nam (VASEP), 5 bilan akaok thun, jien mek tame meng bruk pablei tabiak negar langiu kaya ikan di Việt Nam mek hu labaih 4,5 tỷ USD, tagok labaih 44,5% dut saong tukvak ini thun blaoh. Hu bruk tagok glaong biak siam yau ini, meng hu dom doanh nghiệp Việt Nam thau pagam pambak tame dom kein lagaih di Hiệp định Đối tác kinh tế taong abih gah dalam bhum ( RCEP) piah paglaong prein khang di panda kaya ikan Việt Nam. Kadha vak di Ái Vân mangaok mbao SGGP brei mboh dom kein lagaih saong dom bruk di yaok darak pasa njauk caik hatai piah ka pandap kaya ikan negar drei hu praong jalan jang tabiak dunya:

Hadei di labaih sa bilan tỉnh Long An peih gilac veik dom pabah mbang negar rah tui jalan tapen negar haong Campuchia, bruk“buôn lậu” rah tabiak khang. Piah samar pacang cakak bruk pablei salih suan adat hukum, pandap ja tapa jalan tapen negar, tỉnh Long An daok tui iek catang bruk blei tame, pablei tabiak di abih tih 3 pabah mbang negar saong dom jalan sit, jalan praong. Nguyễn Quang – urang vak di rayo sap ndem VN daok di ban raya HCM hu kadha vak ndem tal bruk ini, daa mikva saong abih gauk tui pang:

Piah khik njauk bruk ngak padai bilan Hè – Thu thun 2022, dom puk palei dalam tỉnh Ninh Thuận daok samar drah peih bruk pala drak gam haong bruk salih janih phun pala. Dalam bilan Hè – Thu ini, taphia di bruk khik ramik mô hình mblang hamu praong, urang nong dalam tỉnh daok hu daong jien piah ngak pajaih bahrau tui Sarak ka 62 thun 2019 di Rajaei ka bruk khik ramik, pandar taneh pala padai. Ini lac bruk siam lagaih piah ka urang nong di pak ini patagok jien mek tame meng bruk pala padai. Kadha vak di Minh Triều - urang pambuak bruk haong danak dak hu ndem tal bruk kuhria caga ka bilan Hè – Thu ini di Ninh Thuận:

Yau rilo tinh, ban karei dalam Bhum taneran kraong Cuu Long, tỉnh Tiền Giang jeng hu biak rilo kraong, ribaong, bhian hu bruk uranaih mblung ia biak pandik harao. Kayua yau nan ye, bruk pacang caga mblung ia di uranaih, abih di nyu nan lac pato caluai ia biak hu dom pakat karja, dom gah, kapul nyaom di tỉnh caik hatai sangka, piah khik salamat ka uranaih. Urang vak Nhật Trường hu kadha vak ndom ka bruk ngak ini.