Bruk ba ilamu công nghệ glong tame bruk sản xuất, dong ka dom kaya nong di Long An dak harei dak siam, ngak hu rilo..., meng nan tagok kein laba; pabak bruk patagok công nghiệp hóa, hiện đại hóa ngak nong, palei pala song rik dong paglaong jien mek tame ka urang nong. Kadha vak di Thanh Phong angaok mbao Nhân dân ka bruk Long An jhul khang bruk pandar công nghệ glong dalam bruk ngak nong. Daa mik va song tong abih gauk tui pang.

Baoh tapuk tieu thuyet saong vở sân khấu “Nợ nước non” lac dua danak dak di PGS, TS Nguyễn Thế Kỷ, Akok Hội đồng Lý luận, phê bình văn học, nghệ thuật pakat negar vak, ngak dalam rilo thun tapa, hu tabiak mbaok di tuk pahadar 132 thun Harei Ndih tapui Chủ tịch Hồ Chí Minh saong 111 thun Harei Wa Ho tabiak nao duah jalan daong taneh ia. Kadha vak di Thiên Điểu angaok harak mbao Tuoi tre yaih khan ka dua kadha nghe thuat ndung bak makna ini, tapa nan daong ka urang thau cambaih jang ka radiuk biak rambah rambeip, glaih glar, oh sahneng hagait ka rup drei, biak praong biak gheih di Chủ tịch Hồ Chí Minh.

Dom tỉnh dalam bhum Đông Nam bộ hu bruk KTXH tagok biak samar, min jalan mbak nao mai dalam bhum urak ini oh ka lagaih, ngak ka bhum palei ini oh ka tagok hu abih prein khang di nyu. Kadha vak di XUÂN TRUNG - TIẾN MINH angaok báo Sài Gòn giải phóng ka bruk langyah kadha oh ka lagaih gah jalan mbak nao mai dalam bhum Đông Nam Bộ. Da-a mikva saong taong abih gauk tui pang.

Yaok ratuh baoh sang di 2 xã Mỹ Sơn haong Nhơn Sơn, huyện Ninh Sơn, tỉnh Ninh Thuận daok duh hatai tuk daok daok dalam baoh sang ra-ai, talah meng bruk pasiam jalan roya 27. Bruk njauk biai nan lac lambaok gah padang ngak hu pambuak bruk haong karja palei rilo mbang pasang iek, taong yaom bruk khut, mbaih, min mbiah tal urak ini jeng oh ka hu jalan bayar jien ka dom khut khat di bhap bini. Kadha vak di urang pambuak bruk Minh Triều daok di Ninh Thuận brei thau ka bruk pasiam jalan roya 27 ngak khut, ra-ai sang bhap bini.

Di dom labik padang ngak di TP.HCM, labik hu dom pandap kandaong ia, lac labik siam ka jamaok ba ruak pandiak tabiak darah caih mebaoh. Gah chức năng di TP.HCM hu dom panuac khan brei thau dahlau ka dom kan kandah meda rah tabiak, min piah langyah hu, oh njauk lac bruk mbuan. Kim Dung – urang vak di rayo sap ndom VN daok di TP.HCM hu kadha vak brei thau ka bruk mbuan hu padiak tabiak darah di dom labik padang ngak.

Yaok thun tal harei 19/5, harei menek Chủ tịch Hồ Chí Minh, bhap bani, urang lin thei jeng caong khin hu sa pok pandap piah alin brei ka Wa. Min ngan haong Wa Ho, Wa bhian ndom lac: “Pok pandap hu yaom glaong abih ngan haong dahlak nan lac dom pathau khan ka bruk pakacah gauk anit ranam taneh aia” saong mai meng nan, yaok thun tal harei menek Wa lac sa mbang khaol drei hu mboh hadah tagok hadai mbuan mbiah, pabiar rup drei di anek manuac vĩ đại nan. Piah thau cambaih jang ka bruk ini, daa mikva saong taong abih gauk pang kadha vak hadei di ini:

Dom harei ini, tuk manuac sia dalam negar daok pamaong tal bruk uan 132 thun harei menek Chủ tịch Hồ Chí Minh (19/05/1890 - 19/05/2022), ye bhum taneh Bình Thuận dak mboh hadah mbaok hadah meta jang tuk dahlu daih hu Wa yam takai tal. Saong Sang bac Dục Thanh ngan haong dom pandap panda, dom kadha pambuak pagam haong gru Nguyễn Tất Thành (hadei di ini lac Chủ tịch Hồ Chí Minh) hu jeng jaik taphia, prong glaong saong lac bruk ngak brei hadah mbaok meta , iek prong di dom rai rah anek saih, gru pato jeng yau bhap bani Bình Thuận. Tukvak pahadar ini, daa mikva saong taong abih gauk mai rivang Sang bac Dục Thanh – labik dahlau daih hu takai yam di Wa tapa kadha vak hadei ini di Jasi – Urang vak di Rayo sap ndom VN daok di ban raya HCM:

Pathau mikva saong taong abih gauk! Bruk dom sang bac ĐH peih mbang pakacah karei di drei piah pilih ruah anek saih hu maong lac jalan ngak di anak tal kayua dom sang bac ĐH jeng caong pilih ruah anek saih hu ilamu bac da-a lagaih haong bruk pato pakai di yaok sang bac. Kadha ini jeng brei mboh quyền tự chủ ĐH. Min adat pilih ruah anek saih thun 2022 hu dom rami ramik veik dalam tut angan hatai caong pilih ruah, nan ye anek brei biak caik hatai sangka. Kadha vak di Lâm Nguyên mangaok báo SGGP hu khan brei thau dom bruk suan, njauk plaih njaik tuk tut angan hatai caong tame dom sang bac ĐH thun ini:

Peih ngak danak dak khik siam mekre pandap panda chuỗi pabak kaya nong tukvak 2021-2025, So Ngak nong saong patagok palei pala Đồng Nai pambuak bruk haong Mban khik iek siam mekre pandap panda kaya mbang TPHCM peih ngak Danak dak khik iek, duah thau ka asal di pandap panda kaya mbang meng bruk raong glang tal bruk thik riah, dahlau di tuk ba nao pablei di TPHCM; pandar công nghệ thong tin piah pasang iek catang, ralow menuk ada, baoh, pandap panda kaya nong, khik siam ka pren yava di urang blei pandar, rik daong langyah hu labik pablei ka kaya nong. Kadha vak di Hoài Bắc angaok harak báo SGGP hu ndom tal bruk ini:

Dom harei tapa, hajan hu laik di bhum taneran kraong Cửu Long saong bilan bhang mbak thun 2021-2022 kareik veik, oh ngak khat lahik trak ka urang nong yau bhian mboh dahlau diah. Langiu di bruk lac bilan bhang mbak thun ini oh khang ye bruk kuhria caga pacang cakak ngan haong dom jalan ngak samu gauk hu ba mai siam mekre glaong. Kadha vak di Ngọc Phúc angaok harak báo SGGP hu brei thau cambaih bruk ngak di dom tỉnh, ban di bhum taneran kraong CL piah palagaih haong bhang mbak dalam bruk ngak nong.