Peih ngak sarak salih janih phun pala piah paglaong kein laba di sa mblang taneh pala drak, tỉnh Bình Thuận hu jak ba, daong ka rahra salih taneh pala oh hu laba tapa pala dom janih phun mbang baoh, njam patam diuk hu dalam pandiak bhang. Dalam thun 2021, dalam tỉnh hu salih jaik 8.900 ha taneh ngak padai takik laba tapa pala dom janih phun karei. Piah thau cambaih jang kein laba meng bruk salih phun pala diuk hu dalam pandiak bhang di pak ini, daa mikva saong abih gauk pang kadha vak di Hồng Hiếu angaok báo Dân tộc miền núi:

Jit praong Covid-19 ngak ka darak pasar urang ngak gaok kan kandah, menuac ngak trun daok biak takik, dom urang ngak lahik bruk ngak, trun takik mon ngak bruk, padeih bruk praong ngak ka urang oh hu bruk ngak tagok glaong. Jien bilan, jien mek tame trun daok takik, raidiuk di urang ngak gaok rilo kan kandah saong puac di abih, hu bruk urang ngak meng ban praong panduan mai puk palei, meng dom pasak kinh tế praong mai dom tỉnh. Pok 6.600 tỷ đồng daong jien pah sang ka urang ngak tui Sarak ka 08/2022/QĐ-TTg harei 28/3/2022 tacei tabiak bruk peih ngak sarak daong jien pah sang ka urang ngak piah dui pachreih urang ngak mai veik darak pasar urang ngak hadei di 2 thun njauk kan kandah kayua jit COVID-19. Kadha vak di kapul urang vak di báo Người lao động hu daong ka kol drei thau cambaih jang ka bruk siam mekre di sarak ini:

“Gah lao động saong Bảo hiểm xã hội samar drah peih ngak praong dom sarak di Rajaei piah samar daong ka urang ngak. Dom tỉnh ban duah thau cambaih kan kandah di urang ngak piah hu jalan lang talaih”. Ini lac panuac tacei di Phó Thủ tướng Rajaei Vũ Đức Đam di mbang ginum biai haong dom mintri, dom gah ka urang ngak, bruk ngak quý 1/2022, ginum biai dom jalan pasiam bruk kurang urang ngak. Kadha vak di Phương Thoa – urang vak di rayo sap ndom VN brei thau ka bruk kurang urang ngak saong dom jalan ngak ka bruk ini:

Xã Thanh Bình, huyện Chợ Gạo lac sa dalam dom palei hu ilamu cách mạng khang kadang di tỉnh Tiền Giang. Dalam 2 mbang mesruh metak suai lavik, urang jakar saong bhap bini thau jum pataom gauk, sa hatung hatian haong gauk, oh huac metai lahik, rambah rambup, dang tagok mesruh pacang kol khamang piah meblah veik yaok jhung kayau, yaok tấc taneh. Tuk taneh ia oh daok binguk kol khamang, Đảng bộ saong bhap bini xã Thanh Bình pakacah gauk ngak mbang, pala drak, jhul kadun likuk eik lipa, kan kathaot, yam tagok haong bruk cakrok di taneh ia. Urang vak Nhật Trường hu kadha vak ka bruk salih bahrau di bhum palei cách mạng ini.

Bhum taneran kraong Cuu Long oh lac bhum taneh ngak padai praong abih di negar drei bo daok hu rilo labik rivang ma-in dui pachreih tuai damuai. Piah ka dulich Bhum taneran kraong Cuu Long cak rok patagok khang kajap, dom tỉnh Bhum taneran kraong Cuu Long taphia di bruk pambak tame dom prein khang lagaih di bhum palei drei, daok thau pambuak saong Ban raya HCM piah patagok bruk siam lagaih di dom pandap dulich saong dui pachreih tuai damuai. Kadha vak di Trọng Duy - Hữu Nghĩa angaok mbao Nhân dân hu ndom ka bruk ini:

Kapol rik phun jien payeng tui bilan padai di kapol Urang kumei Cỏ Quen, xã Phú Lợi, huyện Giang Thành, tỉnh Kiên Giang tabiak rai meng thun 2013, mbiah tal ini hu jaik 10 thun, jeng daok hu khik ramik saong patagok siam lagaih. Meng hu kapol rik phun jien, rilo adei sa-ai kan kathaot dalam kapol hu jien buh tame ngak mbang, yam tagok ginup, meda. Dalam jiak pluh thun tapa, kapol rik phun jien payeng gauk di palei Cỏ Quen tuk halei jeng lac labik hadah tuk ndem tal bruk daong gauk ngak mbang cak rok patagok di bhum taphia negar kayua hu pambak praong saong yaom glaong bo nyu ba mai. Kadha vak di Lam Hiếu hu ndem tal bruk siam lagaih di Kapol urang rik phun jien payeng tui bilan padai di kapol Urang kumei Cỏ Quen, da-a mikva saong grauk ayut tui pang:

Pandik harao saong mboh biak huac nan lac panuac di rilo menuac tuk ndom tal bruk apui khuah ngak brei 5 urang metai saong 2 urang njauk rambuac rah tabiak tuk subuh page harei 21/4 di labik daok tập thể phường Kim Liên, quận Đống Đa (Hà Nội). Gah padam khuah hu mbaok biak samar piah padam pui min dom urang labik khuah nan metai kayua mblung sauk apui dahlau di tuk apui khuah tal. Kadha vak di Mạnh Khánh angaok mbao điện tử di TTXVN hu ndem veik ka bruk nan yau panuac preo khang piah ka abih gauk paglong jang hatai sangka haong apui khuah, abih di nyu lac dalam tuk tabung glong bilan pandiak urak ini:

Hadei di rilo kham marat, tukvak lễ 30/4 saong 1/5 thun ini, ban raya HCM meda ba tame pandar rilo danak dak jalan mbak hu makna praong piah duh ka bhap bini. Urak ini, di dom labik padang ngak, urang ngak daok jar var haong dom bruk puac abih piah ngak salah tui njauk tukvak ba tabiak. Daa mikva saong taong abih gauk pang kadha vak di Hà Khánh, urang vak di rayo sap ndom VN daok di ban raya HCM brei thau ka bruk sami samar ngak bruk di dom danak dak ini:

Anak dom sarau kadhau oh lagaih di darak pasa Trung Quốc ngak ka urang pala thanh long di ĐBSCL gaok kan kandah kayua oh pablei hu atau pablei khat. Yaom lac yau nan, min jeng hu dom Hợp tác xã (HTX) thanh long dang khang kajap, dom urang dalam HTX jeng hu laba. Kadha vak di Ngọc Phúc mangaok mbao SGGP hu ndem ka dom siam lagaih bo urang pala thanh long daok di dom tỉnh dalam ĐBSCL mek hu meng hu mbaok tame HTX, daa mikva saong abih gauk tui pang:

Tui jalan pato bruk ngak pambuak haong caong khin di xã hội saong ba bruk ngak hadei di tuk bac blaoh, Sang bac Cao đẳng Nghề Ninh Thuận tuk halei jeng sangka buh jien tame padang ngak cơ sở vật chất, roh duah ilamo, pandar siam lagaih công nghệ, duah jalan bahrau piah pabak ka bruk pato pakai, tapa nan rik tame bruk pabak manuac ngak hu ilamo glaong, pabak hu siam bruk caong pilih ruah urang ngak dalam tukvak mbiek drei tame dunya. Kadha vak di Minh Triều lac urang pambuak haong danak dak hu ndem ka bruk pato bruk ngak dalam saman 4.0 di Ninh Thuận. Daa mikva saong taong abih gauk tui pang