Danak dak jalan nduac samar Bắc - Nam labik Vĩnh Hảo - Phan Thiết di tỉnh Bình Thuận hu peih tabiak ngak di puac bilan 9/2020, abih tih phun jien buh tame ngak jiak 11.000 tỷ đồng, hu 2 tuk vak lac: tuk vak ka sa hu padang ngak 4 jalan radaih, tuk vak ka 2 hu peih prong jeng 6 jalan radaih. Tui kuhira, danak dak hu ngak salah di puac thun 2022. Min, abih quý 1 bo bruk padang ngak bahrau hu labaih 40 %, suai jang 10% dut song bruk ba tabiak. Kadha vak di Quang Toàn angaok mbao điện tử di TTXVN brei thau ka makna di bruk ni :

Yaok sa bangsa jeng hu adat cambat karei piah payua tame nan sa hatai jia, sa hatai anit ranam biak ginreih. Meng kan mai, bangsa Việt Nam drei hu adat kakuh amuk akei, pamaong tal halau gha. Nan lac sa yaom ilamo khang kajap hu patoa veik meng rai ini tapa rai diah. Kadha vak di GS, TS ĐINH XUÂN DŨNG angaok harak báo Nhân dân hu ndom ka bruk ini:

Yau dom urang anek taneh Việt daok di dom tỉnh, ban karei, bhap bani bhum tasik Phan Rí Cửa, huyện Tuy Phong jeng yau bhap bani tỉnh Bình Thuận brei mboh ilamu meng kan mai lac “Menyum aia hadar tal halau aia” tui rilo jalan ngak karei di gauk dalam harei Pacit daa Po Hùng. Di kalan Po Hùng di ban sit Phan Rí Cửa, huyện Tuy Phong, dalam dom thun tapa hu jeng bhian randap, tuk tame harei 10 bingun bilan 3 saka aia bulan ye bhap bani di bhum tasik ini ba gauk tame cuh gilau, hadar tal dom po Hùng hu pren dak padang saong khik iek taneh aia. Đoàn Sĩ – urang vak di Rayo sap ndom VN hu kadha vak “Bhap bani bhum tasik Phan Rí Cửa pamaong tal halau gha”:

Tỉnh Ninh Thuận pataom tame cakrok pandap OCOP (lac danak dak yaok xã sa pandap) tui jalan patagok yaom glaong, pabak tiêu chuẩn saong bruk caong hu di darak pasar; gam haong nan, jhul khang bruk pablei salih, daong yaih khan rup binguk, pambuak bruk pablei pandap tui jalan khang kajap. Kadha vak di Nguyễn Thành, angaok báo điện tử Thông tấn xã VN ka bruk Ninh Thuận jhul khang pambuak gauk pablei kaya nong di tỉnh.

Urak ini, rilo sang bac đại học, cao đẳng hu ba tabiak khan brei thau danak dak pilih ruah saong tanut pilih ruah cambaih laih. Tui yaok pataom, urak ini hu jaik 20 jalan pilih ruah karei di gauk, tui sang bac saong tui gah bac. Meng rilo jalan pilih ruah yau urak ini, anek saih njauk tut angan hatai caong saong pilih ruah yau habar piah plaih laik tame dom gah bac oh lagaih?. Kadha vak hadei ini di Vũ Hường, urang vak di rayo sap ndom VN daok di TP.HCM hu ndom tal bruk nan, da-a mikva saong taong abih gauk tui pang:

Jit COVID-19 ngak brei rilo urang ngak di tỉnh Đồng Nai nao veik palei kayua oh daok jien pah sang daok, saong labik daok pah jeng gaok kan kandah. Thau hu bruk ini, tỉnh Đồng Nai daok brei peih bruk quy hoạch saong padang ngak sang daok xã hội piah iek glang siam jang ka urang hu jien mek tame takik. Duy Phương, urang vak di rayo sap ndom VN daok di ban raya HCM hu kadha vak brei thau ka bruk ini.

Mboh lac raidiuk di sang drei trun hu meneing dom kan kandah, rilo sang urang bangsa takik daok di xã Đăk Tơ Re, huyện Kon Rẫy, tỉnh Kon Tum eng drei halan hatian likau tabiak truh angan sang kan kathaot. Ini lac kadha njauk uan tabuan kayua bruk salih bahrau jalan sahneng di bhap bini bangsa takik daok pak ini. Kadha vak di Văn Hà angaok báo điện tử Công lý saong Xã hội brei thau ka bruk bhap bini bangsa daok di Kon Tum likau tabiak truh kathaot. Da-a mikva saong taong abih gauk tui pang.

Meng bruk gul pataom, kham merat abih hatai, dom thun jaik di ini, rilo puk palei hu rilo urang Khơ me daok di Sóc Trăng padang ngak hu xã palei pala bahrau. Abih di nyu lac, jak jeng ini daok hu pambak prong, tuk rilo xã hu pok brei angan xã palei pala bahrau. Kadha vak di Song Vy angaok báo Bangsa saong Cak rok patagok brei thau kein laba di bruk padang ngak palei pala bahrau di bhap bani Khơ me pak Sóc Trăng. Daa mikva saong taong abih gauk tui pang:

Yaom thanh long meng akaok thun tal ini trun biak biar, gaok tuk mai oh hu thei blei ngak ka rilo bein di pasak pala thanh long Bình Thuận saong Bhum taneran kraong CL meda lac lahik abih. Hu dom sang bein daok kaoh klaak phun thanh long piah salih tapa jalan ngak mbang bahrau. Kadha vak di Kim Sơ angaok harak báo Nông nghiệp Việt Nam ndom ka bruk lac njauk kaoh klaak phun thanh long halei oh. Daa mikva saong taong abih gauk tui pang.

Dom asal kadha dalam danak dak ilamu "Melam Mỹ Sơn ginreih" hu brei mboh veik binah halei nan di sajarah halau gha pasak agama praong abih di taneh ia patao Campa klak meng kan. Meng rilo janih ilamu nghệ thuật, dom urang padang ngak danak dak hu ba urang maong iek yam tapa thun bilan atah dhua piah duah bruk pambuak gauk di saman dahlau haong harei ini, hu maong iek dom gheih mekre di dom bimaong kalan, kakei, pahadar rai hadei khik ramik saong patagok dom yaom glaong urak ini daok hu. Da-a mikva saong taong abih gauk pang kadha vak yaih khan ka danak dak ilamu "Melam Mỹ Sơn ginreih" hu tabiak mbaok mbang camereip di harei 24/3 meng blaoh, saong kuhria ba tame duh ka tuai damuai di dom harei 16 saka ia bulan yaok bilan: