Dalam labaih 1 thun, kuhria meng tuk danak dak “Cakrok du lịch khang kajap” di xã Sà Phìn, huyện Đồng Văn (t.Hà Giang) bo Sùng Mí Phìn abih hatung hatian ba mai ka bhap bini, gah du lịch tuk halei jeng gaok kan kandah kayua jit ruak. Yaom lac yau nan, min, Sùng Mí Phìn jeng daok khik dalam rup hatai takre. Da-a mikva saong taong abih gauk duah thau jalan ngak du lịch biak karei di Sùng Mí Phìn piah yaih khan ilamu palei, janih biak gheih karei di Hà Giang brei ka tuai dalam saong langiu taneh ia thau, tapa kadha vak di Duy Ly angaok báo Bangsa saong Patagok:

Palei Vĩnh Trường, xã Phước Dinh, huyện Thuận Nam, tỉnh Ninh Thuận hu quy hoạch ngak sang mac điện hạt nhân ka 1 meng thun 2008. Tal harei ini, yaom lac bruk padang ngak nan brei padeih, min kayua tavak quy hoạch nan ye bol bhap rahra oh brei padang ngak, peih praong sang danaok, pablei salih taneh riya saong oh brei pala drak, ngak pandap panda, raidiuk bhap bini biak kan kandah. Kadha vak di Đoàn Sĩ – urang vak di rayo sap ndom VN daok di ban raya HCM hu ndom ka bruk ini:

Thau lac bruk jalan mbak njauk nao dahlau sa yam, tỉnh Long An sangka paglaong siam lagaih bruk pablei salih nao mai dalam tỉnh, pambuak dom bhum veik meng bruk buh jien ngak rilo jalan, daong ka kinh tế Long An samar cakrok, brei mboh labik dang di drei dalam bhum kinh tế prong gah meraong. Kadha vak di Nguyễn Quang, urang vak di rayo sap ndom VN daok di TPHCM brei thau ka dom kham merat di tỉnh ini dalam bruk buh jien tame ngak siam jalan mbak nao mai:

Bhap bani dom bangsa di xã tapen negar Chiềng On, huyện Yên Châu, tỉnh Sơn La tuk halei jeng mong dom urang jakar, urang lin Đồn biên phòng Chiềng On (Bo đoi Biên phòng tỉnh Sơn La) yau dom urang dalam sang di drei, kayua đồn tuk halei jeng lac labik pambak tame ka mikva; dalam nan hu dom gru jru quân hàm xanh tuk halei jeng abih hatai iek glang pren yava ka bhap bani. Kadha vak di Trấn Long, urang vak di rayo sap ndom VN daok di bhum Tây Bắc ndom ka dom Bác sĩ quân hàm hijao di labik ini:

Dalam tuk yaom kaom pandap panda piah ngak kaya nong oh ka mboh trun ye yaom xăng menyek daok tagok khang ngak ka rilo doanh nghiệp, hợp tác xã kaya nong di Đông Nam Bộ gaok biak rilo kan kandah dalam vaktu pasiam veik hadei di jit prong. Kadha vak di Vinh Quang – urang vak di rayo sap ndom VN daok di TP.HCM:

Bhap bini hu ia hacih piah pandar lac sa dalam dom tanut piah tong yaom bruk padang ngak palei pala bahrau. Huyện Ninh Phước, tỉnh Ninh Thuận yaom lac hu pok brei angan huyện palei pala bahrau, min tal urak ni jeng daok hu dom bhum palei, bhap bini oh ka hu ia hacih piah pandar. Bruk ni, oh lac ngak kan kandah tal rai duik di bhap bini bo dok lac paga pacang di puk palei dalam tuk peih ngak dom tanut ka bruk padang ngak palei pala bahrau paglong. Kadha vak di urang pambuak bruk Minh Triều brei thau ka bruk ni

Ban raya HCM taduan hu bruk daong biak prong dalam pacang caga jit meng dom gah mai meng dom mentri , dom ngành Trung ương, dom tỉnh hu mbaok tame daong, ngan haong jaik 30.000 urang. Nan lac dom bác sĩ, điều dưỡng, gru pato, anek saih sinh viên dom sang bac y khoa, urang lin quân y, ... Meng abih drei ka bruk ngak, hatai anit ranam, trách nhiệm, dom manuac urang ini harei melam kham merat daong ka TP.HCM pasang iek hu jit ruak. Kadha vak di S.Hải angaok Trang tin điện tử Thành uỷ TP.HCM:

Dalam bruk mesruh pacang jit COVID-19 di tỉnh Bình Thuận, meng hatung hatai di urang gru jru, dom y, bác sĩ urang Cam tuk halei jeng abih drei, kham merat yam tapa kan kandah, piah rik daong pren yava haong jabat di drei di labik akaok pacang caga jit. Pahadar harei gru jru Việt Nam 27/2, khaol drei pang dalikan ndom ka bruk daong manuac di dom gru jru urang Cam labik akaok pacang caga jit Covid-19 di Bình Thuận tapa kadha vak di Jasi – urang vak di rayo sap ndom VN daok di ban raya TP.HCM:

57 danak dak du lịch hu UB bhap binin tỉnh Ninh Thuận brei buh jien tabiak ngak haong yaom jien abih tih jaik 30.000 tỷ đồng, meda ngak jeng mbaok meta bahrau, daong jhul patagok du lịch di tỉnh. Kadha vak di Công Thử angaok báo điện tử Thông tấn xã Việt Nam hu ndom ka bruk Ninh Thuận padang jalan ngak bahrau piah tagok khang du lịch di anak tal.

Dahlau daih, urang nong di huyện An Minh, tỉnh Kiên Giang yaok thun tok ngak hu sa vụ padai sa thun kayua kurang ia taba, bo daok njauk ia mbak njom tame. Meng di tuk salih bruk ngak mbang, pala drak, urang nong thau pambak tame dom bruk oh lagaih piah ngak jeng lagaih piah cak rok patagok bruk raong hadang, harieng pambuak haong pala padai ba jien tame hu tani tanat. Kadha vak di Lam Hiếu, urang vak di rayo sap ndom VN daok di bhum taneran kraong CL hu ndem ka bruk raong hadang pambuak haong ngak padai di Kiên Giang