Tui yaok pataom brei mboh, urak ini di Việt Nam, yaok 5 urang prong ye hu sa urang tagok darah, dalam 3 urang metai ye hu sa urang kayua dom ruak gah baoh hatai, mboh rilo nan lac metai kayua tai biến mạch darah glo akaok.

Urak ini hu dom mbang urang kumei metian njom ruak SARS-CoV-2 dalam negar drei. Yau nan dom amaik ini hu iek ruak yau habar? Urang meda brei anek mam hadei di tuk ndih tapui atau oh?

Bahrau ini, quyền Akaok mentri Y tế Nguyễn Thanh Long oh njauk hatai haong bruk brei test samar ka dom tỉnh, bal kayua ong ndom lac Test samar oh hu yaom gah palih ruah, duah mboh urang hu virus SARS-CoV-2. Yau nan, test samar lac hagait, tuk halei njauk test samar?

Hadei di tuk rilo urang njom Covid-19 dalam bhap bini gam gam rah tabiak di rilo tỉnh, ban, bhap bini nao mai meng dom labik hu jit jeng pathau khan y tế, brei dok karei song dut iek drah. Yau nan dalam tuk brei dok karei di sang song labik lưu trú, khol drei njauk ngak hagait piah pacang caga jit ? Daa mik va song tong abih gauk duah thau dalam kadha “Urang iek ruak” hadei di ni:

Bahrau dalam dom harei, di ban Đà Nẵng hu jaik 20 urang njom Covid- 19 dalam rahra, asal njom mbak ka oh thau cambaih. Anak bruk hu viek dom urang njom bahrau, bhap bini pandar dom sruh radaih hu rilo manuac yau ye kapar haoh, radaih apui, radaih pajeng tuai … njauk caik hatai bruk pacang caga jit ruak kayua nan lac labik pataom rilo manuac, bruk khik paatah di gauk oh khik hu.

Njauk jru mek dalam bilan hè nan lac bruk huac kanda di rilo manuac urang, abih di nyu lac tuk nao rivang ma-in di bhum taneh bahrau hu langik tasik karei jang. Yau nan ngak habar palih ruah saong khik piah pandap mbang ka nyu siam? Meyah oh patuah drei njauk jru mek ye brei ngak yau habar?

Đột quỵ, atau dok ieu lac tai biến mạch máu não, lac bruk drah pabak ka sa binah glaow akaok njauk klaih klaoh atau trun trak, ngak ka labik glaow akaok nan kurang ô-xy song darah raong glow. Meyah labik tế bào glaow akaok njauk rambus trak atau pambak prong, đột quỵ meda ba tal metai menuac atau caik veik dom di chứng trak damak ka bruk megei takai tangin, nao mai, akaok sahneng. Bruk njauk duh hatai lac dak harei dak hu rilo urang ranaih umo njauk đột quỵ. Dalam kadha “Urang iek ruak” harei ni, khol drei duah thau makna song dom jalan pacang caga đột quỵ.

Dalam dom adit tapa, Sang iek ruak Da liễu TPHCM taduan raok rilo urang ruak mai iek ruak laka kalik kayua idam klau khoang kaik. Dalam nan hu dom urang biak trak ngak brei pandik harao abih rup babhap.

Tukvak jaik di ini, Sang iek ruak Nhi đồng 1, Ban raya HCM hu 3 mbang taduan uranaih njauk asau kaik tame mbaok mboh biak anit. Bruk njauk ndem nan lac rilo labik kaik di akaok, mbaok, idung, caik veik laka biak trak ka prein yawa saong jalan sahaneng ka uranaih harei hadei.

Jaik di ini, di dom tỉnh Đắk Lắk saong Đắk Nông gam gam hu dom sruh jit ruak bạch hầu dalam labik daok di bhap bani. Hadei di tuk hu sa uranaih kumei metai, yaok rituh urang di Đăk Nông njauk brei daok atah di gauk piah pacang ruak njaom mbak. Ini lac ruak hu jru kauk caga taong ruak, min meyah oh hu langyah samar drah, urang ruak meda kan suak yava saong ba tal metai lahik. Dom kadha njauk thau ka ruak ini hu khan tal mikva saong taong abih gauk dalam kadha Urang iek ruak harei ini: