Bruk salih janih phun pala, tui jalan tagok năng suất, ba mai yaom kinh tế glong jang, dok lac bruk bo rilo urang nong pamong tal. Kadha urang ngak hamu cong thau harei ni, daa mik va song tong abih gauk duah thua bruk pala bimao bào ngư di muk Trần Thị Góp, dok di palei Phú Yên, xã Phú Lộc, ban Tân Châu, tỉnh An Giang:

Dom thun jiak di ini bruk raong pabe cak rok patagok biak khang di bhum taneran kraong Cuu Long. Ngan haong phun jien buh tame takik, abih di nyu nan lac rilo baoh sang pandar dom phun hareik dalam bein brei ka pabe mbang, daong patak pataom jien buh tame saong ba mai laba glong. Dalam kadha “ Urang ngak hamu caong thau” adit ini khol dahlak yaih khan bruk raong pabe meng phun hareik dalam bein dauh jien tame rilo pak di Cần Thơ.

Janih kapal haoh oh hu menuac peih, pandar dalam bruk ngak nong daok hu gah ngak nong di Hậu Giang ba tame pandar saong hu rilo mikva pandar dalam bruk pala drak. Kadha “urang ngak hamu caong thau” adit ini, kol dahlak likau khan ka bruk kapal haoh oh hu menuac peih duh ka bruk ngak nong di Hậu Giang tapa kadha vak di Kim Anh hu ba tagok báo Nông nghiệp VN.

Meng hatai takre, abih di nyu nan lac patui veik bruk raong ada di sang drei meng lavik mai, sa-ai Ngô Hồng Thứ, palei Vĩnh Hòa, xã Tân Tập, huyện Cần Giuộc, tỉnh Long An oh lac jak jeng haong bruk raong ada ia bo daok hu ba bruk ngak, paglong jien mek tame ka labaih 30 baoh sang kan kandah. Kadha “Urang ngak hamu caong thau” adit ini, khol dahlak yaih khan kadha vak angaok harak mbao Long An ka bruk raong ada ia paglong jien mek di huyện Cần Giuộc Long An.

Rilo sang dalam bhum bhap bini bangsa takik daok di huyện biên giới Lộc Ninh, tỉnh Bình Phước jeng hu bhian randap raong kreik athur tapen sang atau dalam labik menuac sia daok, ngak jhak tal labik daok saong prein yava di rahra. Meng hu pathau khan, daong panduan ba var ro tabiak truh atah di labik daok, tal urak ini, labik daok di mikva oh daok njaom nerak tachauk. Kadha “urang ngak hamu caong thau” adit ini, kol dahlak likau khan jalan ngak di Lộc Ninh panduan ba var ro tabiak truh atah di labik daok. Kadha vak di mangaok báo điện tử Thông tấn xã VN.

Anak bruk caong khin praong samar, hu jien mek tame rilo, di rilo bhum raong glang, pala drak hu pandar biak rilo jru khik caga phun pala (BVTV) saong khak hóa học. Bruk ini daok ngak jhak tal alam môi trường, prein yava di bhap bini. Kadha urang ngak hamu caong thau adit ini, khol drei pang kadha vak di Đoàn Kiên hu ba tagok mbao SGGP hu ndem ka dom kanjak jhak meng bruk pandar biak rilo jru khik caga phun pala di Lâm Đồng:

Meng sa urang ngak nong umo taha, ong Nguyễn Văn Hiếu (umo 68 thun daok di ban Cần Thơ) hu jeng urang kaya meda meng bruk raong anek dúi. Yaok bilan ong Hiếu duah hu yaok rituh triệu đồng, hu maong yau “patao dúi" miền Tây. Urak ini mikva urang nong di rilo tỉnh Hậu Giang, Vĩnh Long, Đồng Tháp… hu mai bac megru ilamu raong dúi. Kadha Urang ngak hamu caong thau adit ini khaol dahlak likau khan brei thau kadha vak di Hồ Thảo, angaok harak báo Lao động ndom ka bruk raong anek dúi ngak kaya meda di ong Nguyễn Văn Hiếu daok di Cần Thơ:

Ngak tui sarak salih janih phun pala, lagaih haong langik tasik, jaik di ini, urang ngak nong tỉnh Tiền Giang khang hatai salih phun njam patam luân canh di mblang hamu hu kein laba glaong jang rilo mbang duk haong ngak padai. Dalam nan, bruk pala phun meriak piah pablei daok pala hu biak siam, pablei hu yaom, daong ka urang ngak nong mek jien tame hu rilo.

Xã Hưng Điền, huyện Tân Hưng, tỉnh Long An daok jaik taphia negar Campuchia, lac xã ngak nong cakrok rilo janih phun pala, janih raong. Abih di nyu lac dom thun jaik di ini, bruk raong kubao, limo palimek hu ngak praong, ba mai rilo kein laba, pasiam raidiuk bhap bini. Kadha “urang ngak hamu caong thau” adit ini, kol dahlak likau khan bruk ngak kaya meda meng raong kubao limo di xã bhum tapen negar Hưng Điền. Kadha vak di Đức Hạnh hu ba tagok báo điện tử Thông tấn xã VN.

Mboh hu kein laba di bruk pala dưa lưới, sa-ai Mai Thế Hiển (umo 35 thun, daok di ấp Vĩnh Cửu, xã Vĩnh Thanh, H.Nhơn Trạch) khang hatai buh jien tame ngak ka nyu siam bein dưa lưới praong labaih 7 rabau m2. Meng hu dalam rup ilamu pala drak gam haong iek glang njauk kỹ thuật nan ye sa-ai duah laba hu jaik 1 tỷ đồng yaok thun. Kadha “urang ngak hamu caong thau” adit ini, da-a mikva saong taong abih gauk duah thau bruk pala dưa lưới dalam “sang pacang halam” di sa-ai Mai Thế Hiển tapa kadha vak di Xuân Mai hu ba tagok báo Đồng Nai: