VOV4.Êđê- Lŏ dơ̆ng hlăm bruă êmuh lehanăn wĭt lač klei phung bi ala bruă kƀĭn ala êmuh, aguah anei (11/11), Khua phŭn bruă mnuih ngă bruă – phung knap mñai Đào Ngọc Dung lŏ dơ̆ng wĭt lač klei êmuh kơ dŭm êpul dôk hlăm ênoh mnuih ngă bruă, phung knap mñai. Leh kơ anăn, Khua phŭn bruă sang hră mơar Nguyễn Kim Sơn lehanăn khua phŭn bruă čuăl mkă lehanăn duh bi liê Nguyễn Chí Dũng ăt srăng wĭt lač klei êmuh kơ bruă sang hră mơar, lehanăn kơ bruă čuăl mkă duh bi liê. Hlăm anăn, Khua phŭn bruă mnuih ngă bruă lehanăn phung knap mñai bi mngač kơ bruă dlăng kriê hđeh êrĭt êrin leh klei ruă tưp. Leh êmuh khua phŭn bruă Đào Ngọc Dung, aguah anei, bruă kƀĭn ala lŏ dơ̆ng hdră êmuh kơ bruă sang hră mơar. Truh tlam, bruă kƀĭn ala êmuh kơ bruă čuăl mkă lehanăn duh bi liê, mđing kơ dŭm bruă ruh mgaih klei dleh dlan, mđĭ kyar bruă duh mkra hlăm boh klei mrâo, dŭm bruă bi đru kơ phung duh mkra, kơ êpul hgŭm bruă, gŏ êsei duh mkra mnia mblei pioh kơrŭ wĭt bruă knuă, mđĭ kyar klei duh mkra mnia mblei./.

Pô mblang: Y-Khem Niê