Khua gĭt gai Đảng, Khua Lăn čar Tô Lâm bi mni dŭm klei gĭr, ai tiê bruă klam leh anăn klei gĭr, ai tiê bruă klam leh anăn klei mĭn kđi čar mơ̆ng bruă Đảng čar, Bruă sang čư̆ êa, mnuih ƀuôn sang leh anăn lĭng kahan ƀuôn prŏng Hồ Chí Minh, êdah êdi jing hyuă kjăp, hluê ngă hdră mtrŭn klei kbiƀn Prŏng 14 djŏ hdră bhiăn, hrăm mbĭt. Bi kơ hdră tă, bruă klam hlăm wưng kơ anăp, Khua gĭt gai Đảng, Khua Lăn čar Tô Lâm mñă ktang klei čuăn, ƀuôn prŏng čiăng thâo klă mta kñăm đĭ kyar 2 ênoh mrô hŏng bruă klam ktrâo atăt mđĭ kyar bruă duh mkra, amâo mâo lui ngăn prăk, lăn ala, hdră mkăp amâodah klei găl kpăk hĕ.

Ƀuôn prŏng čiăng lŏ dơ̆ng ruh mgaih dŭm klei kpăk kơ hdră bhiăn, čuăl mkă, duh bi liê, mtrŭt bi pral klei brei čan duh bi liê bruă Knŭk kna. Lŏ dơ̆ng bi klă êlam hĭn dŭm hdră êlan mơ̆ng gưl dlông mơ̆ng boh sĭt, amâo mâo mdei hlăm hdră ngă bruă ƀiădah mkŏ mjing gru hmô mđĭ kyar klă klơ̆ng, mjêč bi leh klei čuăl mkra ƀuôn prŏng wăt bruă mkŏ mjing êdah, amâo mâo êdah, bruă mrô leh anăn dŭm kdrêč mkŏ wăl krah mrâo mrang, êlan mtah, rơ̆ng kơ klei bi kƀĭn, mlir, mkŏ mjing wăl anôk đĭ kyar kluôm dhuôm.