Khua knơ̆ng bruă sang čư̆ êa Lâm Đồng Hồ Văn Mười mrâo nao ksiêm dlăng, păn kjăp jih jang bruă dôk ngă, lehanăn mtă kơ khua kiă kriê, phung ngă bruă bi pral hdră mă bruă. Êpul nao čuă lehanăn mă bruă hŏng knơ̆ng bruă mkra mjing msei hjei Trần Hồng Quân (ƀuôn hgŭm Nhân Cơ) čiăng ksiêm dlăng klei mă bruă ti sang mkra mjing ksueh Dak Nông. Anôk bruă mâo ênoh duh bi liê giăm 18.500 êklai prăk, hŏng hnơ̆ng čuăl mkă jing dưi mkr amjing truh 450.000 tôn ksueh/thŭn. Anei jing anôk mkra mjing knhal tuič mơ̆ng bruă mă bô xít – mkr amjing alumin lehanăn mkra ksueh. Tui si tĭng, hlăm 3 mlan gưl 2 thŭn anei srăng bi leh bruă duh bi liê, bi êran klei mkra mjinghŏng hnơ̆ng   150.000 tôn/thŭn; truh kơ 3mlan gưl III/2027 dưi bi leh hdră čuăl mkă. Leh ksiêm dlăng, Khua knơ̆ng bruă sang čư̆ êa čar Hồ Văn Mười mñă anei jing mkra mjing msei hjei tal êlâo mơ̆ng Việt Nam, brei mđing hĭn kơ klei êđăp ênang êjai mă bruă, boh nik jing hŏng pui kmlă, lehanăn dŭm knơ̆ng dhar bruă brei mâo klei bi hgŭm ruh mgaih jih klei dleh dlan kơ phung duh mkra.

Knơ̆ng bruă sang čư̆ êa čar Lâm Đồng mrâo mâo klei bi kƀĭn bi mklă hdră êlan duh bi liê kluôm wưng thŭn 2026–2030 hŏng 24 mta bruă mâo leh klei bi tŭ ư. Čar pral bi leh jih jang bruă ngă hră mơar, čiăng kơ djăl dưi mă bruă, ngă hŏng klei pral bi liê ngăn prăk, Knơ̆ng bruă ngăn prăk čŏng dăp ênog prăk kăk, djăp alŭ wăl bi pral ruh mgaih anôk ala. Ƀiădah klei bi liê ngăn prăk mơ̆ng čar Lâm Đồng dôk ti hnơ̆ng êdu, ka djăp ênoh čuăn kčah truh 4% hdră kčah. Ênoh ngăn prăk duh bi liê thŭn 2026 mâo jao giăm 15.800 êklai prăk, ƀiădah jih leh 3 mlan akŏ thŭn, knŏng mrâo bi liê mă mil 578 êklai prăk. Kbiă hriê mơ̆ng klei gun kpăk ruh mgaih anôk ala, lehanăn ai dưi ngă bruă mơ̆ng pô klam bruă, klei ngă hră mơar dôk dleh dlan, lehanăn bruă klam mơ̆ng đa đa pô duh bi liê ka sĭt êmĭt ôh. K’iăng khua knơ̆ng bruă sang čư̆ êa čar Lâm Đồng Nguyễn Ngọc Phúc brei thâo hlăm mđing ruh mgaih hlăm grăp anôk dleh kpăk, boh nik hlăm klei bhiăn duh bi liê:

Brei thâo snei hlăm wưng anei drei bi ruh mgaih dŭm klei dleh kpăk. Tơdah êa săng, êa pui đĭ yuôm, snăn drei mđing mghaih msir dŭm hdră ngă hră mơar bi djŏ kơ klei duh bi liê kluôm êlâo, leh kơ anăn ti mta bruă dưi ngă êlâo hlŏng ngă mtam. Sitôhmô, brei mâo klei bi tŭ ư kơ grăp boh ƀuôn hgŭm 3 mta bruă, ngă mtam yơh, jing dŭm mta bruă amâo mâo djŏ hlăm anôk ruh mgiah anôk ala.”