Khua knŭk kna bi mni kơ klei gĭr leh anăn boh tŭ yuôm bhăn mâo leh mơ̆ng Phŭn bruă dhar kreh mjuăt asei mlei leh anăn hiu čhưn ênguê dưi mâo hlăm klei hlue ngă hdră, hdră kčah leh anăn bruă klam mâo jao; boh nik jing pral đru kčĕ, hưn mdah, pŏk ngă Hdră mtrŭn mrô 80 mơ̆ng Phŭn bruă kđi čar leh anăn hưn mdah Klei bi kƀĭn tal sa Bruă kƀĭn ala gưl XVI mâo Hdră mtrŭn kơ klei mđĭ kyar dhar kreh.

Hlăm wưng kơ anăp, Khua knŭk kna lač brei jih ai tiê dlăng myuôm klei mkŏ mjing Đảng doh mngač, kjăp ktang kluôm; mđĭ bruă klam phung ba anăp dŭm anôk bruă. Khua knŭk kna ăt mtă gĭr pŏk ngă Hdră kñăm ala čar kơ dhar kreh, păn kjăp klei kñăm, klei bhiăn, hnơ̆ng kčah, phung dưi dưn. Mjing klei êdah kdlưn hlăm klei mđĭ kyar mjuăt asei mkei; bi liê mâo boh phŭn. Lŏ mkŏ mjing, mđĭ hnơ̆ng jăk leh anăn ai bi ktưn, ba hiu čhưn ênguê klă sĭt jing bruă duh mkra phŭn.