VOV4.Êđê- Ti anôk bi kƀĭn Anôk gĭt gai hdră gang mkhư̆ klei yan adiê ngă kơ hdră mdrơ̆ng hŏng klei angĭn ktang hjan prŏng mkŏ mjing aguah hruê 7/10 ti Hà Nội, Trần Quang Hoài, K’iăng khua Anôk gĭt gai hdră gang mkhư̆ klei yan adiê ngă lač klă: Dŭm alŭ wăl brei mâo hdră kčah klă klơ̆ng kơ bruă mbĕ mnuih ƀuôn sang, rơ̆ng kjăp hdră mdrơ̆ng hŏng klei yan adiê ngă lehanăn gang mkhư̆ klei ruă Covid 19. Hluê anăn, dŭm alŭ wăl brei mjêč iêu mthưr dŭm boh hô̆ mran kbiă mơ̆ng krĭng huĭ hyưt kyua angĭn ktang angĭn prŏng anei huĭ srăng đĭ ktang jing angĭn êbŭ; ksiêm dlăng kjăp klei mâo mơ̆ng gưl angĭn ktang hjan prŏng lehanăn mprăp hdră msir mghaih tơdah mâo dŭm klei truh amâo jăk. Gưl adiê hjan êa lip anei huĭ srăng ngă klei bi ktlah dŭm krĭng wăl kyua anăn brei mprăp djăp mnơ̆ng ƀơ̆ng huă, êa mnăm kơ mnuih ƀuôn sang, amâo lui mnuih ƀuôn sang lĕ hlăm klei kƀah mnơ̆ng ƀơ̆ng huă leh gưl yan adiê ngă anei./.

Pô mblang: H’Nêč Êñuôl