Ti anôk bi tuôm, Khua knŭk kna Lê Minh Hưng brei thâo, mâo mnuih ƀuôn sang Hải Phòng đăo knang, ruah ngă pô bi ala bruă kƀĭn ala jing klei mơak prŏng hŏng Khua knŭk kna lehanăn phung bi ala bruă kƀĭn ala. Khua knŭk kna lač, Klei bi kƀĭn tal sa Anôk bruă kƀĭn ala gưl XVI mâo boh tŭ yuôm bhăn, mŭt hlăm wưng mrâo, bi mklă êdei anăp đĭ kyar lăn čar, alŭ wăl, hlăm anăn mâo ƀuôn prŏng Hải Phòng. 

Hŏng klei đua klam jing Khua knŭk kna lehanăn Pô bi ala bruă kƀĭn ala mơ̆ng ƀuôn prŏng Hải Phòng, Khua knŭk kna mñă srăng hrăm mbĭt hŏng bruă Đảng, bruă knŭk kna lehanăn mnuih ƀuôn sang ƀuôn prŏng; mbĭt hŏng Knŭk kna gĭr hluê ngă tŭ dưn dŭm mta kñăm mđĭ kyar mơ̆ng ala čar, hlăm anăn mâo dŭm mta kñăm, bruă klam lehanăn klei čang hmăng mdĭ kyar mơ̆ng ƀuôn prŏng Hải Phòng.