Hŏng klei mpŭ jao hră bi klă ruah mdưm Khua bi ala knŭk kna Việt Nam ti India, hlŏng klam bruă mbĭt kơ ala čar Nepal lehanăn Bhutan, Khua bi ala knŭk kna Việt Nam ti ala čar Belgium, hlŏng klkam bruă kơ ala čar Luxembourg lehanăn khua bi ala knŭk kna Việt Nam hlăm êpul hgŭm Ơrôp, Khua bi ala knŭk kna Việt Nam ti ala čar Switz, hlŏng klam bruă kơ ala čar Liechtenstein;

Khua bi ala knŭk kna Việt Nam ti ala čar Dưr korea lehanăn khua bi ala knŭk kna Việt Nam ti ala čar Kazakhstan, hlŏng klam bruă kơ ala čar Kyrgyzstan, ala čar Tajikistan lehanăn Georgia kơ 5 čô păn bruă. Khua gĭt gai Tô Lâm lač, anei jing klei myun, ƀiădah ăt jing bruă đua klam prŏng kơ phung khua bi ala, kyuadah srăng jing pô bi ala brei kơ knŭk kna, jing klei jing kơ lăn čar, kơ djuê ana, lehanăn mđĭ bruă bi mguôp hŏng tač êngao mơ̆ng hñưm mơ̆ng kbưi. Khua gĭt gai Tô Lâm mtă kơ phung khua bi ala thâo săng kơ bruă klam pô, lŏ dơ̆ng bi êdah ai tiê, klei mĭn, bruă klam đru klei bi mguôp mơ̆ng Việt Nam hŏng dŭm ala čar pô truh mtrŭn agha êlam hĭn, kjăp hĭn lehanăn mâo klei tŭ dưn hĭn./.