Dak Lak ruh mtlaih klei kpăk gun, pŏk êlan kơ hdră duh mkra ktuê hang ksĭ đĭ kyar
Thứ tư, 10:47, 29/04/2026
H'Nêč Êñuôl /VOV Tây Nguyên
H'Nêč Êñuôl /VOV Tây Nguyên
VOV.Êđê- Kñăm ruh mtlaih dŭm klei gun kpăk, pŏk êlan kơ hdră duh mkra ktuê hang ksĭ đĭ kyar, tlam hruê 28/4, Khua knơ̆ng bruă sang čư̆ êa čar Dak Lak Đỗ Hữu Huy mă leh bruă hŏng dŭm alŭ wăl ktuê hang ksĭ nah Ngŏ.
3 mlan gưl 1 thŭn 2026, krĭng ktuê hang ksĭ nah Ngŏ čar Dak Lak krơ̆ng kjăp hnơ̆ng đĭ kyar, mâo 8%, hŏng ênoh prăk mnia mblei đăo tĭng 1.500 êklai prăk. Hdră mnia mblei, dŭm bruă nah tluôn lehanăn bruă hiu čhưn ênguê mâo klei bi mlih jăk, drông 150.000–200.000 čô tuê, hrui wĭt êbeh 200 êklai prăk.
Blŭ ti knăm anei, Đỗ Hữu Huy, Khua knơ̆ng bruă sang čư̆ êa čar Dak Lak mñă, krĭng ktuê hang ksĭ nah Ngŏ jing wăl anôk đĭ kyar phŭn, mâo bruă klam jing krĭng đĭ kyar phŭn mơ̆ng čar hlăm wưng ti anăp. Čiăng ba yua tŭ dưn klei găl, brei mđing ruh mtlaih jih klei gun kpăk./.
Viết bình luận