VOV4.Êđê - Aguah anei, hruê 8/11, ti Klei bi kƀĭn tal 2, Anôk bruă kƀĭn ala gưl 15 mphŭn mkŏ mjing klei bi kƀĭn tal 2, bi kƀĭn ti Sang bruă kƀĭn ala, mơ̆ng hruê anei, hruê 8/11 truh kơ hruê 13/11. Klei năng mđing, anôk bruă kƀĭn ala srăng pioh 2 hruê tal êlâo čiăng bi trông kơ bruă duh mkra – ala ƀuôn lehanăn bruă ngăn prăk knŭk kna. Anôk bruă kƀĭn ala srăng pioh 2 hruê mkrah čiăng hluê ngă hdră êmuh lehanăn wĭt lač klei êmuh.

Sa hlăm dŭm bruă yuôm bhăn mơ̆ng klei bi kƀĭn tal 2 jing anôk bruă kƀĭn ala srăng hluê ngă hdră êmuh lehanăn wĭt lač klei êmuh. Khua knŭk kna lehanăn 4 Khua phŭn bruă wĭt lač klei êmuh gưl anei mâo: Khua phŭn bruă mdrao mgŭn Nguyễn Thanh Long; Khua phŭn bruă Mnuih ngă bruă – kahan êka êkeh lehanăn yang ƀuôn Đào Ngọc Dung; Khua phŭn bruă Hdră kčah lehanăn Duh bi liê Nguyễn Chí Dũng lehanăn Khua phŭn bruă Sang hră m’ar lehanăn Mtô bi hriăm Nguyễn Kim Sơn. Leh 4 čô Khua phŭn bruă nao hlăm hdră anei, Khua knŭk kna srăng hưn mdah hŏng anôk bruă kƀĭn ala lehanăn wĭt lač dŭm klei mâo phung bi ala mđing dlăng./.

H Nêč pô mblang