VOV4.Êđê - Khua knơ̆ng bruă pla mjing, Phŭn bruă Lŏ hma mđĭ kyar krĭng ƀuôn sang Nguyễn Như Cường brei thâo: Ară anei, kluôm ala mâo hlăm brô 695 êbâo ha kphê, hnơ̆ng mâo êbeh 1,7 êklăk ton/thŭn. Hlăm anăn, krĭng Lăn dap kngư mâo 585 êbâo ha, hnơ̆ng mâo êbeh 1,6 êklăk ton. Hlăm wưng êgao, klei ruă Covid 19 bluh mâo dleh dưi ksiêm dlăng, dŭm anôk hluê ngă hdră bi ktlah yang ƀuôn hmăi leh kơ hdră dlăng kriê wiê ênăk dŭm đang kphê. Ară anei, ênoh čhĭ kphê mâo klei bi êdah đĭ ƀiădah kyua hmăi mơ̆ng klei ruă tưp, kƀah mnuih hrui pĕ, ênoh bi liê đĭ..., ngă kơ mnuih pla lehanăn anôk bruă duh mkra tuôm hŏng lu klei dleh dlan hlăk mŭt hlăm yan hrui êmiêt mrâo. Dak Lak jing čar mâo ênhă kphê prŏng êdi kluôm ala. Thŭn anei, kyua hmăi mơ̆ng klei ruă Covid 19, klei găn êrô mơ̆ng dŭm čar tuôm hŏng klei dleh dlan kyua anăn ti alŭ wăl dôk kƀah lu êdi mnuih mă bruă hrui pĕ kphê./.

H Nêč pô mblang