VOV4.Êđê - Aguah 14/10, Anôk dlăng bruă Đảng ƀuôn prŏng Hồ Chí Minh mkŏ mjing Klei bi kƀĭn tal 9. Blŭ hrăm mphŭn pŏk klei bi kƀĭn, Nguyễn Văn Nên –  Khua hlăm Phŭn bruă kđi čar, Khua dlăng bruă Đảng ƀuôn prŏng brei thâo, hlăm 9 mlan thŭn 2021, boh klei ruă tưp mâo kjham, ƀuôn prŏng ba yua klei bi ktlah yang ƀuôn hlăm wưng sui. Klei anei hmaĭ kluôm leh anăn êlam kơ bruă duh mkra, dhar kreh, ala ƀuôn ti ƀuôn prŏng. Lu mta bruă hmaĭ djŏ, lu ênoh mrô hrŏ lu, hlăm anăn GRDP 9 mlan hrŏ 4,98%.

Truh ară anei ƀuôn prŏng Hồ Chí Minh klă klơ̆ng dưi ktuê dlăng klei ruă tưp. Khădah, ƀuôn prŏng brei lŏ dơ̆ng gĭr ktưn hĭn čiăng hluê ngă Hdră mtrŭn 128 mơ̆ng Knŭk kna leh anăn tă hdră mơ̆ng Phŭn bruă mdrao mgŭn kơ hdră msir êjai mdrơ̆ng êđăp ênang, mbruă, ktuê dlăng tŭ dưn klei ruă Covid-19. Mrâo êgao, Khua lăn čar Nguyễn Xuân Phúc mâo leh klei bi mni kơ klei gĭr ktưn hlăm hdră gang mkhư̆ klei ruă tưp leh anăn lač kơ klei brei msir mgaih hlăm wưng kơ anăp.

H Zawut pô mblang