VOV4.Êđê- Aguah 12/10, bruă Đảng čar Kon Tum mphŭn pŏk Klei bi kƀĭn tal 5 Anôk dlăng bruă Đảng čar tal XVI pŏk mlar hŏng lu boh phŭn yuôm bhăn. Hluê si klei hâo hưn ti anôk bi kƀĭn, kyua hmaĭ mơ̆ng klei ruă Covid-19 ngă kơ lu hnơ̆ng kčah bruă duh mkra- ala ƀuôn čar Kon Tum 9 mlan ƀiă, msĕ si: Prăk hrui wĭt knŭk kna ti alŭ wăl hlăm brô 2000 êklai prăk, knŏng mâo 59,2% hdră kčah; ênhă ana êa drao pla mrâo êngao kơ sâm Ngọc Linh 960 ha, knŏng mâo 48% hdră kčah…

Klei bi kƀĭn bi trông, ksiêm wĭt leh anăn bi mklă lu Hdră mtrŭn yuôm bhăn, msĕ si: Mkra mlih, mbĭ klei bhiăn mă bruă mơ̆ng Bruă Đảng čar Kon Tum gưl XVI; Ksiêm wĭt  Hdră mtrŭn “kơ klei lŏ dơ̆ng mkŏ mjing dŭm să dleh dlan êdi hlăm boh klei mrâo:, ksiêm wĭt hdră mtrŭn “kơ klei mkŏ mjing, mđĭ kyar dŭm bruă duh mkra phŭn leh anăn mnơ̆ng dhơ̆ng phŭn”…

Pô mblang: H’Zawut Ƀuôn Yă