VOV4.Êđê- Ƀri wưng hruê kyua mnuih ƀun ƀin Việt Nam (17/10), khua knŭk kna mâo leh asăp mtrŭn mtă kơ phung khua phŭn bruă, khua kiă kriê anôk bruă knar hŏng phŭn bruă, anôk bruă knŭk kna, phung khua bruă Đảng čar, ƀuôn prŏng, khua bruă sang čư̆ êa dŭm čarm ƀuôn prŏng gưl dlông: Kñăn gĭt gai ngă mâo boh tŭ dưn dŭm hdră êlan, bruă klam, hdră lăm lui klei ư̆ êpa, bi hrŏ klei ƀun ƀin, lŏ mâo klei uêñ mĭn, răng kriê jăk hĭn mnuih ƀun ƀin, mnuih mâo klei hdĭp dleh dlan, phung awăt asei hlăm yang ƀuôn, boh nik phung mâo klei hmăi kjham kyua klei truh yan adiê, klei ruă tưp Covid-19. Ngă êlâo hĭn bruă mkăp brei ai dưi mơ̆ng ngăn prăk ala čar leh anăn iêo mthưr klei bi mguôp mơ̆ng dŭm ai dưi hlăm yang ƀuôn mkăn čiăng mgaih msir mâo boh tŭ dưn kơ bruă lăm lui klei ư̆ êpa, bi hrŏ klei ƀun ƀin, đru kơ mnuih ƀun ƀin, rơ̆ng klei hơĭt hlăm yang ƀuôn. Phŭn bruă mnuih mă bruă, kahan êka êkeh leh anăn yang ƀuôn bi mguôp hŏng dŭm phŭn, dhar bruă, dŭm alŭ wăl ngă mjêč čiăng mkŏ mjing hdră ala čar kñăm bi hrŏ klei ƀun ƀin kjăp.

Pô mblang: Y-Ƀel Êban