VOV4.Êđê - Hrue mbrue (27/9), ti sang bruă kƀĭn ala mkŏ mjing leh klei bi trông kčĕ êmuh phung truăn kơ bruă duh mkra ala ƀuôn. Nao ti anôk bi trông anei mâo giăm 80 čô phung bi ala mơ̆ng dŭm phŭn dhar bruă, êpul bruă mơ̆ng tač êngao, phung truăn kơ bruă duh mkra. Klei bi trông anei dưi mkŏ mjing klă anăn lehanăn hŏng online. Blŭ kiă kriê klei bi trông, k’iăng khua bruă kƀĭn ala Nguyễn Đức Hải lač, jih jang klei blŭ hlăm klei bi trông hrue anei jing mta yuôm bhăn snăk pioh kơ bruă kƀĭn ala bi klă kơ djăp bruă yuôm bhăn hlăm ala čar kơ klei duh mkra ala ƀuôn. Klei bi trông anei ăt jing anôk ciăng kơ phung kreh knhâo, phung nga bruă kiă kriê bi êdah ênum klei mĭn ai tiê pô đru bi mkŏ mjing pioh mđĭ kyar bruă duh mkra ala ƀuôn hŏng klei kjăp hĭn. Phung truăn kơ bruă, phung kreh knhâo, dŭm phŭn dhar bruă bi êdah boh klei hlăm lăn čar, klei dôk găn hlăm bruă mđĭ kyar klei duh mkra ala ƀuôn 4 mlan knhal jih thŭn, lehanăn kluôm thŭn 2021, lehanăn mkŏ mjing hdră mă bruă kơ thŭn 2022./.

Y Khem pô mblang